خايفة من الولادة ... يارب سهل على كل حوامل المؤمنين يارب

[b][i]
السلام عليكم ورحمة الله وبركاته
أنا ام لطفلة عمرها سنتين وانا الان حامل بالطفل الثاني جعله الله سليما معافا كامل الخلقة يارب...
مشكلتي يا اخواتي اني خائفة جدا من الولادة وهدا اسبوعي الاخير في الشهر الثامن ومن الان قلبي يرتجف عندما اتدكر الام ولادتي بابنتي
خاصة انني ولدتها بالوجع الصناعي وبقيت اتالم لمدة يوم كامل حتى ولدتها ولله الحمد
انا خائفة يا اخواتي خائفة جدا ولم اخف في حملي الاول كخوفي هدا , فأرجوكم كيف اتغلب على هدا الخوف وهده المشاعر المخيفة
دعواتكم لي اخواتي
والسلام عليكم ورحمة الله وبركاته[center]

ربي ايسهل عليك أختى ان شاء الله ما عليك إلا الدعاء وقوي إيمانك بالله وأخواتي المتزوجات عندهم خبره أكتر وإن شاء الله يفيدوك ولكن توكلي علي ربي وادعي وباذن الله هذا الخوف يتنحى وذكري أنه بكل ألم ووجع حسنات من ربي وكله بأجره

بارك الله فيك وخيتي sana على كلامك الطيب وربي ينولك كل اللي فبالك يارب ... والحمد والشكر لله على كل حال وربي يسهل كل صعب يا كريم يامجيب

اللهم امين

عزيزتي نصيحتي ليك انك تسترخي واثكثري من الدعاء ومتخليش الشيطان ايوسوسلك وايخليك اتخافي اسمعي راهو الخوف والحالة النفسية للام اتأثر علي الجنين في الشهر الاخير لان مع زيادة الخوف ايزيد هرمون الحمل وهذا ايأثر علي الجنين فنصيحتي ليكي كل متحسي روحك فاضية امشي ديري دوش دافئ وادهني بطنك وصدرك بزيت زيتون واشربي حليب دافي واسترخي وكثري من سماع القران ومجرد متدخلي الاسبوع الاول للتاسع ابدي في المشي واكل العسل والتمر وشرب الماء مفيد واسئل الله ان ايسهلك ولادتك واني ليا 25 يوم جايبة وبصراحة اتألمت في ولادتي لكن والله الله مافيش ولادة بدون وجع لازم منها لكن اني توة انسيت الالم ولاهية في ولدي وصغاري والايام تجري واتوكلي علي الله ومتخافيش وربي معاك وصلي لان الصلاة مفيدة yhbhk4

ولو تبي اي جواب علي اي سئال اتفضلي ولا ايهمك

بارك الله فيك ياهدي على مرورك لموضوعي ... وسبحان الله اليوم كنت نتصفح فهدا المنتدى صادفتني قصتك امتاع ولادتك هادي الاخيرة وقلقتني الرسالة عليك هلبة وخليتيني نتبع فقصتك وقريتها من الصفحة الاولى الى الأخيرة لما قلتي انك جبتي ولله الحمد على سلامتك وسلامة وليدك ... وقلقت اكثر وخفت عليك لما قلتي انهم حيعطوك وجع صناعي خلااااااص قطعتيلي كبدي وخوفتيني عليك وقلت فخاطري ربي يكون معاك ويسهل ولادتك وخيتي لاني جربته االوجع الصناعي فبنتي ويومها ماشفتش الا الموت قدامي ولله الحمد وان شاء الله كفارة لدنوبنا يارب واجر من عنده .
الف الحمد لله على سلامتك ويتربى فعزكم العزري يارب gfbe

ربي يسهل عليك
وآنستينا ياالمصرة وأهلاً بيك وشكرا على مشاركتك معنا في المنتدى

الله يأنسك يا امان وبارك الله فيك عزيزتي ، واني ليا اكثر من سنة متتبعة معاكم في المنتدى غر مشاركاتي مهناش بس ديما نخش ونتصفح فالمنتدى ونقرا فمشاركاتكم .
وسعيدة بوجودي معاكم والله يفتح عليكم كلكم ويهنيكم يارب

[b][i]

اهلا وسهلا بيك يا المصره فكينا من التصفح بس نبوك تشاركي معانا بيش نحسوا بيك وتحسي بينا ونشاركوا بعضنا

ان شاء الله ربي يسهل عليك وتجيبي وتنوضي بالف صحه وسلامه انتي والبيبي

عليك باكثار الدعاء والصلاه وقراءه القران وربي يسهل عليك وديمه حطي في بالك ان كل شئ باجره

طمنينا عليك اول باول

اهلا وسهلا بيك اختى المصرة لكن ياريت ديمة تشاركى بردودك بيش نتعرفو عليك اكتر

ان شاء الله ربي يسهل عليك ولادتك واكترى من الدعاء وقراءة القران

ربى يسهل عليك يارب وتنوضى بسلامة

عليك وعلى دعاء وربى يخفف عليك

انا لما نولد والله دكتورات ماشاء الله عليهم كل مايجى الوجع تقولى مازال خمسة دقايق ونقعد يوم كامل وانا نتوجع لكن هما يصبرو فينا الحمد الله وكثرى الدعاء ليل ونهار واول

وشاركى فى المنتدى توا تنسى الوجع الولادة خايفة من الولادة ... يارب سهل على كل حوامل المؤمنين يارب 740557

خايفة من الولادة ... يارب سهل على كل حوامل المؤمنين يارب 740557

هههههههههههههههههههههههههه

اسالى المجرب هههههههههههههههههههههه

خايفة من الولادة ... يارب سهل على كل حوامل المؤمنين يارب 284798

أختي المصرة أكثري من الصلاة و الدعاء وقراءة القرأن وتناولي التمر فهو مفيد يسهل الولادة بإذن الله تعالى , أدعو الله جل وعلا أن يمدك بالقوة ويسهل ولادتك ويرزقك بالذرية الصالحة .

عليك باكثار الدعاء والصلاه وقراءه القران وربي يسهل عليك

ربي يسهللك ياااارب وكولي التمر كويس مرت عمي اتقول ديمة ناكل في التمر في الشهر الاخير باش سهل عليا وربي يشبح فيك وادعيلي بالحمل يقولو المراة الحامل دعاها مستجاب

» خايفة بعد الزواج
» فساتين حوامل قصيرة
» اللى محيرنى انها مش خايفة حد يشوفها
» كيكات الحوامل اهداء لجميع حوامل المنتدى
» يارب