عزوز ليبية غريبة

والله خفت خيرها هاذي وين الامن خيرة مايرفعوهاش لدار العجزةوالله كان صح عزوزة سخفتني بلكي فاقدة الذاكرة ولا متشوهة من ايام الثورة لا حول ولا قوة الا بالله والله منظر ايخوف وايحزن في نفس الوقت

أني لوله خفت منها الحق
اكيد مش طبيعية العزوز
لكن وين ناسها مسيبينها هكي ادور في الشوارع
ومافيش حد شدها ورفعها لدار العجزة العفو ياللطيف الليبين قداش قلوبهم ماتت معاش فيه حن

لا حول ولاقوة الا بالله العلي العظيم غريبه وسبحان الله

كيف. هكى ما فيش ولد حلال يرفعها لدار العجزة ويفهموا شن قصتها.أنى. مطلعتيش. الصورة

انا مخلوعة توا كيف بيجينى النوم
والله مشفتش شكلها لكن متخايلتها زى فيلم رعب
لاحول ولا قوة الا بالله ربى يشوف فيها

خوفتيني يا امونه شن هالعزوزه وبدات لمه قلتي تبع في الاماكن لي فيها دم

الله المستعان

البارح البنات سمعو بيها خشو عقلهم حت البت الكبيرة جت لبوها خفت يابوى خليت يعانى فيهم فى الليل وخشيت رقدت

الحق حتى انى اتخوشت من موضوعها بعتالى قولت بالك اشاعة

لكن علاش مايدروش حل للضواهر الغريبة تخيلت روحى نفتح الكراج نلقها قدامى والدنيا خالية قتلى بنتى تبى تاكل قلت نعبى ديمة بورزة معايا كان جتنى نعطيها والشياط واااااااااااااك

صباح الخير امان


زعمك خشت طرابلس ههههههههههه

ما فى شئ طلعلى

اشبح ياجنان وين ادور توا العزوز اليوم طلعت وقاعدة غير نتلفت ايمين ويسار والعزوز اللي نلقاها على طريقي ننخلع منها هههههههههه ياوالله حال ركبنا الرعب منها

ام الشيماء أني طالع عندي الفيديو بالك المتصفح متاعك بلهون افتحي متصفح قوقل كروم أني فاتحاته المتصفح هذا

تعرفوا والله لين دخت من الخوف لما شفت صورتها وواحد كاتتب تحتها عزوز القايلة وراجلي كان مسافر لكن الحمدلله شفتها يوم بيروح والله العظيم لين دخت وبديت نرعش من الصقع وخفت ناخد شئ نتغطى بيه خفت نتحرك من مكاني وولادي راقدين فوق شديت مجد وبديت نقرا في القران لين روح راجلي الساعة3 في الليل والله لقاني يابسة من الصقع والخوف

اللهم لاحول ولاقوة الا بالله

ربي يستر علينا وعليها

عبو عليك ياام الحلوين مالومش بناتى البارح يرعشو باهى فى الاخير صكرى الحوش ولا تخش حتى من الحيط ولت كاسبر


الحق هدى مراة مسكينة فاقدة الدكرة ولا عندها صدمة الحق تبى مستشفى وفجى فى الولية الله يسترنا ويتبت علينا العقل والدين


جت المدرسة وبدو يخوفو فينا وفى صغارنا ربى يستر علينا وعليها

والله يا جنان شوفي حالك اني بروحي والراجل مسافر والحق يا ربي لما شفت صورتها جسمي كله شوك من قبل مانقرا عليها غير عرفتها امراة وبعدين انت متعرفينيش اني قوليلي على شئ وخليني وخيتك مش موسوسة حالتي حالة

ربي يهدينا وخلاص

غير نبصر عليك والله وخيتك خوفا احرف منك درت زى صغارى البارح درت روحى مش معدلة


وراجلى قاعد حى حى كان مسافر تخيلى بنات وامهم ان شاء ما نبتلو بيها ونشوفوها

لاحول ولاقوة الا بلله

القصة الحقيقة حــــول المرأه المتجولة
::
هذه المراة من منطقة صرمان وهى مريضة نفسياً وليست عدوانية وليس لها قدرات الاختفاء كما قال البعض هى مراة عادية جداً غدر بها الزمان نكروها اقرب اقاربها وضلت هائمة لم تجد الا الغرابات لانها ارحم منكم وانا شخصياً وجدتها فى احدى الليالي فى كشك للخضار تنام فيه وتم القبض عليها اثناء قيامنا بدورية في المنطقة و حققت معها انا شخصياً وقالت بان المصرف لم يفتح لها حساب من اجل الحصول على الثروة بحجة انها مريضة وقمت انا شخصياً بتسليمها للمجلس العسكرى صرمان ووعدوا بان يجدوا لها حل ولاكن للاسف هربت منهم .. ارجوا عدم الاساءة لها واكرر انها ليست عدوانية وليست خاطفة للاطفال كما يشاع فى المنطقة فالرحمة الرحمة واتقوا الله فيها وادعوا لها ان يشفيها الله ..

قصة رقم 2
هادي البنت اسمها نعيمه موسي وهيا من سكان صرمان وهيا كانت واخده واحد مغربي وكانت تخدم في المصرف ضحك علاها المغربي وخنب فلوسها وفي الي يقول انه سحرها وزي ما تعرفو سحر المغاربه وهيا لا عندها اب ولا ام وهادي كل قصتها

والله اعلم اما هيا الصح

الفئة:

الأخبار والسياسية


نقلته لكم ياشيموات من اليوتيوب

بارك الله فيك ام الشوش وربي يشفيها

لاحول ولاقوة الا بالله
وكيف مرا تهرب منهم الدقون
وكان يديرو الخير يشدوها ويرفعوها لدار العجزة منه ينقدوها من فروخ الحرام والدوران في الشوارع ومنه يحصلو آجر من ربي العالمين
بكل الليبين معاش عندهم شفقة ولا رحمة

لا حول ولا قوة الا بالله

ربي يلطف بيها

لا حول ولا قوة الابالله مع انه يقول مش عدوانيه لكن لو نشوفها في الحقيقه نخش في عقلي ونطلع

ان شاء الله ربي يشفيها

ام الحلويين ما تقوليليش علاش خايفه وانتي في هولندا شن بتجيك غادي هههههههه يا والله مراه خوافه حق قالولك تتجول مش تسافر بلا خوف زايد ههههههه والله استاحشتك هلبه يا غاليه فكينا من الغياب مره تانيه

هههههههههههههههههههههه قوية حبوبة تتجول مش تسافر هههههههههههههههه