الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ

تذكير بمساهمة فاتح الموضوع :

السلام عليكم اخواتى

له هذا الموضوع مخصص لسؤال عن عضوه غائبة عن المنتدى
كلنا اسرة واحدة ونتمنى من الاعضاء اخبارنا عند التغيب عن المنتدى
حتى لاننشغل عنها اكثر

للاداره والمشرفات لها الحق في حذف أو تعديل أي من الردود أو المواضيع المخالفة للقوانين

نلتقى لنرتقى اخواتى

الشكر والتقدير لكم على حسن تعاونكم

ومع تمنياتي لكم بالتوفيق الدائم

دمتم في حفظ الرحمن

https://alshaima.yoo7.com/t7606-topic

قمت بدمج المواضيع السابقة فى قسم التهانى والترحيب

أختي حبوبه أسأل الله العظيم أن يشفي سلفك شفاء الايغادر سقما ويجعل مرضه هذا علوا لدرجاته عند الله
يارب اشفيه يا مجيب الدعاء .

لا حول ولاقوة إلا بالله العلي العظيم عليك جهل وتخلف خلاص توا معاش يحتفلو الا بالرصاص

ان شاء الله ربي يشفيه ويعافيه ويرجعلكم سالم يارب العالمين وربي يهديهم البشر اللى تحتفل بالرصاص امتى بيطورا بس

أسأل الله العظيم رب العرش العظيم أن يشفيه

ربى يشفيه سلفك يا حبوبة وان شاء الله لا بأس عليه ويرجعلكم سالم ان شاء الله

ربي يشفيه ياحبوبة والله حالته توجع حق ربي معاه ويصبره وفي ميزان حسناته يارب مايضيع شي انشاله واني ندعيله ديما لانه تبهدل هلبا وربي معاه

اهلا بحلم ليبيا وام غفران rthb g

حبوبه كتب:: شكرا على السؤال

سلفي بلله حالته حاله قاعد في تونس ومزاله شهرين تانيات هذا كان مشي علاجه بدون عوائق

المسكين ماشي يحضر في عرس ولد جيراهم متع حوشهم الاول وفي تدريجت العريس بدوا يطلقوا في الرصاص على اساس فرحاني عليك جهل واحد من اولاد الجيران سلاحه شاده في يده مش مامن وطلعت منه رصاصه بدون قصد وجت في رجل سلفي خشت من الفخده وطلعت من الساق وبعا دشاشت عظت الساق ادشديش ولمه سعفوه لي شارع الزاويه طبعا كالعاده الليبين لازم يعفسوا قالوله عظت الفخد مكسوره مشوا يربطوله رجله من فوق لي المشطه والجرح مش مخيط لا فخده ولا الساق

والصبح رفعه راجلي وخوي لي تونس المسكين ما وصل لين اتخد نزف جرحه والرجل مربوطه والدم من النزيف اتجلط ضغطت على ااعصاب والاورده ودارتله انسداد وفقدالاحسس وبصوابع نهائيا

بعدها بدوله يوم بعد يوم عمليه شئ تنضيف وشئ تركب حديد وشئ تسريح الاورد وشئ علاج العصب والله حالته اتصخف اني مقطعلي قلبي ولمه يبعتلنا في صور رجل قريب نموت المسكين مشوهه هلبه هلبه ربي يشفيه يارب

سامحوني طولت عليكم وكتب القصه كلها ونبي طلب منكم طلب كل ما تتفكروه ادعوله ترجع رجله طبيعيه

حبوبة شنو صار فى سلفك والله يسخف الحق كيف ماصار لخالى ربى يشفيه ويعافيه

حبوبة والله قلوبنا مها وندعوله ربى يشفيه ويرجعه بالسلامة
وليد عمنا

تي وين كنتي خاشة درازي ياام مآب غير سلمي علينا قبل وقولينا وين هالغيبة الطويلة
شورك ماستحاشتي حد العفو 20120

أختي حبوبة كثفوا من الدعاء في جوف الليل بإذن الله سيكرمه الله بالشفاء وترجع رجله أحسن مما كانت في الأول وماذلك على الله بعزيز , الله الله في الدعاء والصدقة مع العلاج الطبي ونسمع عنكم أخبار سارة قريبا إن شاء الله .

السلام عليكم

كيف حالكم جميعا ما شاء الله فيه هلبة عضوات رجعو العقبة للبقية ان شاء الله

حبوبة ان شاء الله ربي يشفيني أنى دائماً ندعيله

كيف حالكم كلكم يارب تكونوا بخير وسامحوني على طول الغياب لكن وا شدني عليكم إلا الشديد
ربي ما يوريكم سلفي اللي حكيتلكم عليه من مدة كان مريض حاشاكم زادوا بثروله رجله وماتتصوروش شن صاير في العيلة قاعدين الناس تجي كل يوم ربي يشفيه ويشي سلفك يا حبوبة ويشفي كل مريض

المهم رجعت ولقيتكم بخير وألف مبروك لفراشة حتى كان جت متأخرة لكن الله غالب

أهلين ومرحبتين بأم محمود نورتي ونورا كل الاخوات وان شاء الله ربي مايغيبكم

كيف حالك أمان ديمة نسأل عليك فى أم أيوب وأنتى طالقة لسانك عليا هههه
ياحنة مالقيت حد سأل عليا
زى نخش زى نطلع مش خشيت درازى على قولتك وخلاص ههههه
والله ليك وحشة كبيرة أمان وكل العضوات أخواتى ومستاحشتكم

حيه عليها حي ام ايوب ماقلتش ديمة تسأل عليك أم مآب
لغاية أمس تلاقيت أني وياها
هذا ياحنا تتجعد شاريه سيارة جديدة تبوز علينا bom

هههههههه ماشاء الله هذا علاش ام أيوب مختفيه اتهيج وتتجكتر بالسياره عبرينا قوليلها من تواضع لله رفعه

فارسة السنة مختفية ليا فتره ماشفتهاش ان شاء الله خير وربي يطمنا عليها وحتى حبوبة وفراشتنا العريس مغطسه شكلها امشت اتعسل من تاني واحلام ولت زي هلال العيد وهلباااااااا أخوات ان شاء الله ربي يطمنا عليهم

لالا أمس سألتها أم ايوب قالت ماعندهاش نت
والسيارة حيه عليك حيه كان جيتي بحداها تبلغ فيك للشرطة هههههههههههههههه نبصرو راهو

صح وين فارسة السنة وحبوبة وام مآب وام لين وفراشة العروسه ؟؟ ودموع وام محمود وام ملك وملاك وجنان معاش خشت
واحلام هذي خليها بروحها يوم تخش و10 لا هههههه وام الحلوين وام محمد واريام وسارهمو ؟؟؟ والمهندسة والمميزة قداش بنسمي هلبه اختفو ربي يرجعهم للمنتدى ويتفكرونا

انشاله ياربي ربي يرجعهم سالمين

ربى يرجع كل العضوات على خير
أمان أسكتى مش أم أيوب دارت حادث بالسيارة
غير الحمد لله بسيطة قالت الثانى هو الغالط
لكن الحمد لله

الحمد لله علي سلامتها حي شوره طرشقتوها بعوينة هههههههههههههههههههه نبصر تو بطلع الغلط من التاني ههههههههههههههههه نبصر راهو ربي يرجعها بالسلامة

الحمد لله علي سلامتها خديتوها بالعين هههههههههههههههه انبصر الحديد يتعوض اهم حاجة صحتها سلامتها وخلاص

ايه حق ياهدهد الحمد لله علي سلامتها

امتى دارت حادث سيارتها مدرسة ومافيها شيء ياام مآب
يالا وين الحادث سيارة نشبح فيها مافيها حتى حاجة Like a Star @ heaven

وين سناء وحبوبة وام ملك وام محمود وام لين وفارسة السنة وكلي أمل ود. مودة وام الحلوين وام غفران وراجية العفو وجنان ودموعك نصيبك ليهم مدة طويلة معاد خشو dfwerf

علي سلامتها قوليلها رد بالك ماحر عينك الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ - صفحة 6 740557

ياحلم اللطف

بوسة لكل الاخوات احبكم في الله sda;

» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الى أخواتى اللى حابه تسأل عن عضوه
» الي كل عضوه
» عضوه جديده هل من مرحب
» لنتواصوا بالحق أخواتى