الحقوني شعري عدا فيها!

الحقني يا خوياتي شعري يطيح بشكل رهيب بعد ما كان سالف في نصي وغزير ولى شنشوبتين واظطريت نقصه عشان نقويه الدكاترة ما فادوني  انا شعري ناعم وجلدة راسي دهنية ومن وقت للتاني تظهر لي فيها بثور زي اللي تظهر في الوجه بالزبط وردية في الاول وبعد تجمع مادة بيضا وبعدين تجف ولما تتقشر تطيح معاها الشعرة او الشعرات اللي ظهرت في مكانهن استعملت لها لبثور كريم ميكسدريم ومضاد حيوي فلوموكس لمدة اسبوع واحد بحسب امر الدكتور وبلا فايدة ما زالت تظهر وما زال الشعر يطيح اما لتقوية الشعر فاستعملت تقريبا كل المستحضرات اللي تباع في الصيدليات الليبية لأني تعالجت عند 4 دكاترة وما زال مسلسل السقوط مستمر هذا غير خلطات الحنة بالاعشاب قسما بالله وبلا مبالغة اكثر من نص شعري طاح والمصيبة الكبرى انه من شهرين تقريبا بدا يصلععععععععع من  بقدام وبدت جلدة راسي تبان بوضوح وهادي اللي ما هناك كيف تدرق نفسيتي صفر وين كنت ووين صرت  بالله عليكن اللي عندها خبرة طبية تقولي شن هالبثور وشن علاجها واللي تعرف اي مستحضر طبي فعال وحقيقي في علاج التساقط وانبات الشعر تقولي عليه سوا كان ينباع في ليبيا او تونس ولكم مني دعوة بظهر الغيب مستنية ردكن على احر من الجمر