اندير للمثلجات والوجبات السريعة

[color=blue]السلام عليكم ورحمه الله وبركاته

كيف حالكم ياسيدات ليبيا اليوم جبتلكم صورمن محل زوجي وخوته اندير للمثلجات و المأكولات الخفيفة )

المحل مقابل المعاقين بداية جنزور اول كوبري اللي يرفع للمعاقيين بعدالاشارة الضوئية علي اليمن

المحل هو من الارضي حلويات اندير وفوق المثلجات والوجبات السريعة طبعا الجيلاطي ايطالي درجة اولي والوجبات السريعة يوجد سندوتشات سكالوب وهمبورجة وسندوتش تيوست حلوة مش عادية

وعصاير طبيعية فرش وتوجد قهوة كابتشينو ومكياطة ويوجد كريب بشوكلاطة واللوز ويوجد صالة خاصة بالعائلات وصالة لشباب

وهي تفضلو نخليكم مع الصور طبعا انى ونور وختورة وبنات حماتي

وهذه صورة الجيلاطي

اندير للمثلجات والوجبات السريعة OPwJ1

وهذا متاع العصير وثلاجة السلايط

اندير للمثلجات والوجبات السريعة Bk6Q4

وهذه اوضح

وهذه الصالة العائلية طبعا مقدرتش انصور صالة الشباب فيها

اندير للمثلجات والوجبات السريعة SdIX3

وهذا عشنا اني صغارى وبنات حماتي سندوتشات تويست

وهذا الكريب بشكولاطة واللوز

اندير للمثلجات والوجبات السريعة E5Gv8

وهذا الكابتشينو

اندير للمثلجات والوجبات السريعة TTLG9

هي تفضلو زورونا علي المحل وان شاءالله يعجبكم

وفي امان الله
اندير للمثلجات والوجبات السريعة N6H97

صدقتي ام مختار انى ناخد منه في الجيلاطي ماشاء الله حلوووو لانه جنب حوشنا ولكن الحار ماجربتش توا انجربه وانقولك

ما شاء الله تبارك الله ربى يباركلكم فيه ان شاء الله والله ما شاء الله الحاجات شكلها تشهى ان شاء الله نزوروه

ما شاء الله تبارك الله

بارك الله لكم ورزقكم وبارك لكم في رزقكم وجعله حلالا طيبا

ماشاء الله تواء نزوروه واكيد عندنا تخفيض والا لا ههههههههههههههههههههه

استحشتك ام اوبة 20120

ما شاء الله شكله نظيف المحل وحاجاته حلوة لكن بعيد اني في تاجوراء وهو في جنزور لكن ان شاء الله نزوره

ماشاء الله تبارك الله
بارك الله لك في هذا المحل ووفقك المولى وأسعدك اختي

ام ايوب مافى شئ بعيد ههههههههههههه
تعزمكم سناء كلم المحل خطوة بين حوش سناء هههههههههههههه
سناء هربت
اندير للمثلجات والوجبات السريعة 867223

هههههههههههههههههههههههههههههههه

يا عيني ليش لا نعزمكم وام الشوش تخلص ههههههههههههههههههههههههههههههههه

ياريت غير انتو تعالو لا يهمكم اندير والمحلات اللى في الشارع كله شارعنا كله مطاعم ومزينات ههههههههههههههههههههههههههههه

سناء تسكني بحدا المعاقين متع جنزور حوش جدي قريبين من مدرسة الشمس الخاصة

هدى انى مقابلته بالضبط مستشفى المعاقين

ما شاء الله الله يباركلكم فيه

يا خساره بعيد عليا

مافيش مشكله تعاليلي حبوبه معاش يولي بعيد هههههههههههههه لكن اكيد ام الشوش بتخلص ههههههههههههههههههههههه

تفضلو مرحبتين بيكم

هههههههههههههههههههههه

مش عارفة ام مختار وين طارت اندف العزومة ليها هى ودفع مجانى ماهو حنى صاحباتها صح ؟
اندير للمثلجات والوجبات السريعة 284798

انى راجلى جيتى الحالة ممنوع المطاعم والله خاطرى ضايق انى والبنات يشرى ويعلف فينا فى الحوش مش عارفة نظريتى صح ولاغلط فى الاخير نسمع فى كلامة مافيش تجوزات

تبى الحق مافيش احلى من ماكلت يدياتك ونضيفة وتعرفيها اكثر
لكن نحكيلك عليا انا راجلى يحب لما نطلعو لازم ناخدو حاجة
وصغارى تعودو لما نطلعو ناخدو حتى بريوشة المهم ناخدو هههههههههههه
ورغم هذا يفضل ماكلة الحوش على براء
كيف نكون مريضة او جايبة او اليوم كله مهناش مشغولين يجيب ماكلة من براء
ومش حالك انت وبس
هلبا رجالة ميحبوش ماكلة الشارع
عندى صاحبتى تموت في ماكلة براء لما تكون مشغولة يجيبلها رجلها وهو يتغدى دحيى مقلى ولا تن ههههههههههههههههههه
المهم مايكلش من براء

نورتو الموضوع كله تفضلو

ماشاء الله ربى يبارك واحنى طلعنا من زبائنكم والله ما ناخدو البقلاوة الا من اندير او العالم لان شغلهم مزبوط وحاجة تستر لما عندك زيارة لحد لكن الحار بصراحة ما جربناش
وحتى انى مش من محبى ماكلة المطاعم هلبة ونفضل عمل ايديا بس بإذن الله حنجربوا مطعمكم يأم مختار ونور وعاد انتى وصى علينا كلمة السر سيدات الشيماء هههههههههههههه

» عيد زواجى قريب ومش عارفة شنى اندير