الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ

تذكير بمساهمة فاتح الموضوع :

حبوبة ولا مانسيتها لحظة لكن ربى ناهينى على الحزن والحياة مستمرة

واحنى اخوتك محتاجين من يكون معنا ويرشدنا بالموضيع الراقية والكلمة الطيبة حبوبة لاتبخلى علينا وشوف امان كيف كسبت اخوة فى الله لقتهم فى حياتها وبعد موتها يدعولها ومانسينها بكل كيف تبى تبعدى على اخوات فى الله احبك فى الله ومن غير اى معرفة او تلاقى تعودى من الشيطان يبى يحرمك من الاجر امان انقطع عملها فى الدنيا وقامت قيامتها وانتى لا تسكرى باب الاجر لانكى محتاجة كل دقبقة فى حياتك واحنى احياء محتاجين وجودك فى المنتدى وامان لاتحتاج الا الصدقة والدعاء والله يصبر الجميع

جنان70 كتب:: عندى سنى متعابتنى نعالج فيها سامحونى على التقصير

سلامتك ام جنان ياربي تكوني بخير الان واسترحت قليلا حفظك الله من السوء

الحمد لله على السلامة دموع نورت المنتدى

ياربي ايرجع الاخوات الغائبات ويكون المانع خير

كيف حالكم يا عويلة توحشتكم كلكم وسبب غيابى عنكم كمل اشتراك النت بالتزامن مع امتحانات ولدى ما فيش وقت بكل اليوم حصلت فرصة كملنا بكرى عبيت النت وخشيت لنسأل عليكم كلكم احبكم جميعا فى الله

ام ايوب وام ماب وحبوبة الف لا باس على والديكم وان شاء الله توا احسن

راجية ربي يوفقه ولدك وتشوفيه من المتفوقين دائما

وبارك الله فيك على سؤالك على والديا وهما توة الحمد لله احسن من قبل

كيف حالكم ان شاء الله

الحمد لله بخير ونعمة كيف حالك انت يادموع أهلا بك rthb g

مرحبا بك راجية حتى نحن اشتقنالك وأسأل الباري جل في علاه أن يمن على ولدك

بالنجاح ويجعله قرة عين لك ويحفظه ويرعاه

الحمد لله على سلامة والديكن الكريمين ام ماب وحبوبة وام ايوب ربي يحفظهم ويسلمهم

السلام عليكم اخواتى
وسااااااااااااااامحونى مقصرة معاكم اكثر من اللازم
والله كل مانفتح نت قلبى يغم عليا نسكره ونمشى نتكى شويا
نفتح من الموبايل نلقى روحى راقدة ههههههههههههههه
ربى يشفينى ويشفيكم ومرحلة وتمشى

كيف حالكم كلكم

ام الشوش تتوحم على المنتدى ههههههههههههههههه
نورتي دموع ومرحبتين براجية وربي يوفق ابنك واتشوفيه زي ماتحبي وربي يشفي والديكم حبوبه وام ماءب وام ايوب واستاحشناك هدى ربي يشفي زوجك واطفالك يارب
وربي يرجع كل الغايبات

وفارسة احبك في الله انت وكل الشيموات

كيف حالكم وشن اخباركم يومين المنتدى ماباش يفتح

والربيع مش ماشى معاى بكل من مرضة الى مرضة تخفيف دنوب ان شاء الله

جنان ان شاء الله لاباس عليك

ام ايوب كيف حال بوك وامك توة ربى يحفظهما لغة عربية

نبى نكلمك على خاطرهم والله العطس ماخلنى اتشى اتشى اربعة وعشرين ساعة

الحمد لله جتنى حالة نفسية من الحساسية حتى الضغط ترفع فيه

طهور ان شاء الله جنان ربي يشفيك يارب وهلبا اخوات مختفيات ان شاء الله المانع خير

ربى يشفيك ياام جنان والله حاسة بيك ابيخ حاجة الحساسية هذه مرت على راجى حتى سناء مرات تنوض عليها فى الليل ربى يشفيك
وصلى مسج متاعك طبعا كلمات متقاطعة ضحكتينى لما كتبت ادروش

الله يشفيك أم جنان
عودة للجميع بأذن الله
الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ - صفحة 12 90459

أسأل الله العظيم رب العرش الكريم ان يمن عليك بالشفاء ام جنان

وياربي ترجع الغائبات ويكون المانع خير

جنان ربي يشفيك يا بنات يا بنات اني مريضة اللي جاني جاني وذني وفمي انتفخ وبنتي وجهها وجسمها حساسية والله تعبت والله نحمد في ربي لكن والله ملخبطة ووذني توجع فيا

لابأس عليك هدى ربي يشفيك يجب ان تذهبي الى الطبيب

في السنة الماضية حصل التهاب وتشمع في اذن اختي تعبت

أسبوع او أكثر وبعد مراجعة الطبيب واستعمال الدواء

ارتاحت الحمد لله أرجو الله ان يمن عليك بالشفاء وكذلك ابنتك

ربي يحفظها من السوء

هدى ربى يشفيك
لازم تمشى وجهك منفوخ من ودنك اكيد
لازم تعاينى
وربى يشفيلك نيتك ديريلها البودرة لو كانت تحك هلبا
عاينتيها فى بريطانيا ؟

السلام عليكم اخواتي

أختي جنان ألف سلامة عليكي

وأختي هدى ألف سلامة عليكي وعلى بنتك, زي ماقالوا لك البنات لازم تشوفي طبيب, وألف سلامة عليكي اختي والله وجع الذن متعب جدا ربنا يشفيك ويعافيكي طهور ان شاء الله

الف لا بأس عليك جنان وهدى ربى يشفيكم ان شاء الله ويعافيكم
ام خالد نورتى المنتدى ومبروك الحمل ربى يرزقك بالذرية الصالحة ان شاء الله

لاباس عليكم جنان وهدى طهور ان شاء الله

أهلا وسهلا بك ام الحلوين اشتقنالك نورتينا

أهلا وسهلا بكي ام الحلوين بارك الله فيكم أخواتي علي الدعاء درت زيت الزيتون اليوم احسن شوية من امس وبنتي عاينتها والله ماعرفو خيرها لكن أعطوها منوم بش ترقد متحكش بريطانيا. مش مليحة في العلاج يا ام الشيماء معروفين بالمسكنات بس بالله عليكم أدعو لبنتي والله الله عمرها 3 سنوات اتقولي عمرها 15 سنة اتعاني بنيتي من صغرها لكن الحمد لله ماشاء الله لا قوة الا بالله امس قالت لاختها الله ايحبني أعطاني توة الحساسية بش في الجنة يعطيني جائزة والله قعدت نبكي لأني اني ديمة انقوللهم الله لما أيحب العبد يبتليه مشي قالتلي الحمد لله يا ماما

» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الى أخواتى اللى حابه تسأل عن عضوه
» الي كل عضوه
» عضوه جديده هل من مرحب
» لنتواصوا بالحق أخواتى