| اجمل مسجات ليبية من الاخير الاتبيه موجود | |
|
+11أم محمد راجية العفو رواسي حبوبه آمــان sana ساهرة للخير مرام البيان *أم الشيماء* ام صهيب starkabaw 15 مشترك |
كاتب الموضوع | رسالة |
---|
starkabaw
مساهماتك : 1755 وصلت إلى نقطة : 13050 تاريخ التسجيل : 30/10/2009 العمل/الترفيه : طالبه(المطالعه والان sms : Everything is okay in the end. If it's not okay, then it's not
the end
كل الأمور على مايرام في النهاية ، إن لم تكن كذلك ، فتلك ليست
النهاية
المزاج : ادا كان فيه نت حيكون امليح
| موضوع: اجمل مسجات ليبية من الاخير الاتبيه موجود 2010-01-13, 08:03 | |
| دقة دقة العين طالبة مني عزيز اتحقه لوبس يازمان اتعود دقة دقة
-كلا كلا لا ندير غيره لا نجيب محله عزيز غالي علي كلا كلا
جرعة جرعة انكانك نويت البعد ليش السرعة اسقيني مرار الهجر جرعة جرعة
قطرة قطرة يحساب الغلى ايجي بالفطرة سقاني امرار الصوب قطرة قطرة
قداش يا قلب تشتاق وقداش تالف غوالى وقداش حامل فراق وقداش ساهر ليالى
قاسي عليا ألوقت/ وقاسي علياقلب فيه عشقت/أكرهت ألحياه مهموم واضايقت/قاسي وناسي ياحبيب جفيت.. لايوم متهني وجنبك رقت /ولامسج لياليش مادزيت/كلمه أخيره ليك صح أشتقت 16- جذب مستاصل مابا ايفك الغيم عليا أو تمطر هك . 17- اشبوب اقساما لط ونانبذر قدامه ... يالوريت اشبوب اقساما . 18- ان درت عزم علي لولاف .. يلويني ارياف ايجيبنى . 19- مقتول يا البعيد عليك برياف نين روحى تالفه . 20- جديد للغلاء نبيه ... يحرث عقاب كبدي الذايبه .
صوتك حنون ودوتك ركاحي وانفاسك دفى ودواء لجراحي ... صوتك حنون عشقته زي العسل ادمنته وعلى صوت نبضاتك الهم دفنته بقيتي ونس ليلي ونور صباحي ... صوتك بقى وناسي ومع همستك نفقد جميع حواسي .
v انت عندي للعين نظر .. بلاك عيوني تنظر كيف .. انوالف غيرك مانقدر .. اطمن ياسمح التوصيف .. على بالي مايوم خطر .. اني خاطيك اندير وليف .. انت سكر ساقيني مر .. انت للمدمن كاس وكيف .. وانت الغيم الماطر .. وانت ظلى في وان الصيف .
v مانك رخيص علينا غير الظروف معاكسة ولهينا مازلت غالي .
v مازال لي ابعاد .. ومازلت ديمة على القدم نشاد .. ومازال قلبي بالغلا وداد .. ايزيد في عطاه مع الخليل عطاه .. ومازلت نعشق سمحة المعياد ونرايف عليها ان حازها الجفا .
v مهما عليك انغيب .. والايام تبعد بيا .. قاعد معي قريب .. ماهنت يوم عليا .. سريبي معاك سريب .. فايت حدود الغية .. وان كان عندك عيب .. بعيبك تعز عليا .
v مازلت صاحب وافي .. انرايف على اللي يشعروا بريافي .. وانصافي .. اللي قلبه معايا صافي .. واللي غلاه في القلب ماهو خافي .. اني نقدره ويكون اعز اولافي .
v لا طرابلس جابت شبيه خيالك ولا بنغازي رافقها شبيه غزالك .. مافيش كيفك زول وانت شبيه الخمر في المفعول .. وانت اصول الفعل والمفعول .. وانا قدامك فاعل باني حبه بيك على طول .
v ياقلب قيم الصوب امعاهم .. عرب مالفا عالعين من يسواهم .. ياقلب صوبك قيمة وراعي غلا لولاف ديمة ديمة .. ياعين كوني في غلاك سقيمة .. ولا تنقصي في قول يوم معاهم .
v مازال شاغلني وننشد عنه .. قليل الخير ماينشد عليا كنا .
v ان كان غير كاتب غلاك بسطور .. تراني نقشته بالدهب ماتمحيه بحور .
v نزعل ونرضى ايحن قلبي ليكم بلا رادتي نرمي الزعل ونجيكم .
v ماكان ودي في الحياة ننساكم .. ولكان قلبي لغيركم مفتوح .. ولكان طبي طب غير دواكم .. ولاكان نبض خاطري مجروح .. ولا كان بالي يرتجف لولاكم .. ولا كنت سري للغيرب انبوح .. ولا كان عندي هم غير رضاكم .. ارضوا عليا يا ساكنين الروح .
v انت الغلا كله وانت السؤال الصعب وانت حله .. وانت خيال الروح وانت ظله .. وانت عزيز القلب وانت خله .. وانت سواد العين والبياض كله .. وانت وانت وانت سرقت العقل والفكر كله .
v كل الهموم وكل ما كنت اعانيه يروح لحظة ما اتخيل عيونك .. في غيبتك قلبي فقد من ايسليه .. من كثر حبك حلف مايخونك .. في غيبتك قلبي تحطمتت امانيه .. كرهت انا العالم وحبيت كونك .. في داخلي احساس اجهل معانيه .. بس الاكيد المشاعر يبونك .
v ودي الرحيل معاك .. وين ما تشيل خطاك .. نرحل بلا تفكير .. قلبي معاك ايطير .. ونبقى قريب احداك .. انا اندللك ونزيدك .. ونبقى الشموع لعيدك .. نرحل معاك انعدي .. مانفارقك من يدي .. والعمر كله فداك .
v سلامي للي ماعنده مثيل انصون وده ونزيده غلا .. يخطر زوله وطيفه الجميل نضمه بين جفون عيني والغطاء .ز كيف البدر في ظلمة الليل .. ومثل الشمس في قلب السماء .. ماننساه لوطال الرحيل يبقالي في شوفه رجاء .
v اسمعت ابكا قفزت من نومي عزقت غطى .. اثاريتها عيني سمعت ابكاها .. خاطر عليها صوب تحت غطاها .. تاريتها تذرف الدمع كساها .. وانا بقيت ماعندي قرام عزا .. وعدتها بكره تشوف امناها .. سكتتها وتميت نذرف نا .
v مازال شوقي قاعد ومازال حتى انكاني متباعج .. ومازلت نسعى للرفق وانساعد .. ومازلت مانرضاش عيبة فيكم .. انجيكم ومش عارف ليش انجيكم .. نمشي وانا مازال شوقي فيكم .
v العين رايفت راهي تريد اتشوفك .. خديت ذنبها والذنب فوق كتوفك .
v سر ياقلم واكت من المدح ماطاب .. من اللي جزيل المدح يستاهلونه .. ناس مزايين الرجاء فيهم ماخاب .. الرح والقلب فداء لهم لو يطلبونه .. اكتب لهم شيك محبه مفتوح الحساب .. يسحبون من رصيد الغلا وابد ما ينقصونه .
v انا من عزني بقلبه .. اعزه بكل مافيني .. اسميه الغلا كله .. وعلى كيفه يسميني .
v القلوب الوفيه ما تنسى ساكنيها .. وقلبي بالمحبة يسلم على اغلى من سكن فيها .
v رافقت واجد من رفقاني .. مالقيت واحد رفقته حقاني .. رافق اللي ايصونك وين يبرمن الايام يفزع دونك .. ما ترافق اللي يغدرك ويخونك في الوجه يعجبك وفي القفى تعاني .. الصاحب اللي ماتلقاه وقت الشدة قوله شحالك من بعيد اتسده .. الصحاب في وقت الوسع مامنهم في وقت الضيق ماتلقاش واحد منهم .. غني قلب ماني غني مال .. مبسوط غير شاقي قاعدلها تحت الاظلال حاسب حساب الفراق .
v عالصدق عشنا والوفاء شيمتنا .. مهما ابتعدنا غاليا عشرتنا .. من ايعزنا انعزوه .. واللي يودنا انودوه .. مايوم يندم على رفقتنا .
v خدوا العقل خلوني اندوح وراهم .. اعزاز مانقدر انعيش بلاهم .. نارهم ولاعة .. اعزاز ما انطيق نبعد عنهم ساعة .. خدوا العقل خلوا خاطري بوجاعه .. ايخمم على مقعد جديد بلاهم .
v مازال فيكم شوقي .. ومازال يجري دمكم في عروقي .. ومازال رفقتكم ذهب في سوقي .. مرايف عليكم مو ناسيكم .. انجيكم مش عارف علاش انجيكم .. نمشي ونا مازال شوقي فيكم .
v ندفن حسه ونقطع عروقه ونقتله وندسه قلبي ان كان نسيكم .. انسل وريده حتى مكانه نحرقه ونبيده .. وان كان شكا من النار نار انزيده .
v الغياب ماهو جفا .ز والحضور ما هو وفاء .. والاهم شوق القلوب حتى لو الشخص اختفى .
v وحق الغلا ما تهون ولا تنهان مادام عندي نبض في الشريان .. ماننساك ولاندير في الغية عزيز معاك .. مشغول خاطري بغية ربيع غلاك .. يانهر غامرني بسيل حنان .. وايهون كل العمر في مرجاك ومحال ياخدك النسيان .
v مراسيلك اترد الروح تجبرخاطري المجروح عساني ما انحرم منك ولا مني تجيك جروح .
v ودي اجيكم ملهوف .. عابر كل بحور الخوف .. بس كل شي ضدي الدنيا وحظي والظروف .
v طير وعدي وين توصل شور الغوالي هدي عليهم مرايف لين واصل حدي .
v وين الدنيا وين عربها .. وين عيون سماح هديها .. وين اصحاب الفزعة ديمة فزعتهم للعين طربها .. وين اصحاب الروح احبابي بسمتهم ديمة مقربها .. ياريت ايعودن ليام ويعاود للعين طربها .
v سلام ياهل الجود والطيب والعز يللي لكم في الصدر قدر وعزة .. القلب من فرقا الاجاويد يهتز .ز مثل الشجر يوم العواصف اتهزه .. في قربكم كل المخاليق تعتز .. وعيني لكم تشتاق في كل حزة .
v ياكحيل اهدابه انا المتهم وانت وكيل نيابة .. افرج عليا دير افراج متخليش عقلي للغلا محتاج .. غارق بحورك شايلتني امواج .. نبي رحمتك للقلب بيك عدابه مرواج حضرت جنابك من اسباب اسبابه .
v دورت شي في داخلي يزعل عليك .. لقيت حتى الزعل في داخلي راضي عليك ************************************************** ********************* عندى أصحاب عالصحبة ولايل ::: وقت الضيق ديما واقفين أسماح القول وأسماح الفعايل ::: كيف الكنز معياره ثمين أن صار أغياب جت منهم رسايل ::: رسايل شوق مليانة حنين يداوو الجرح ويحيدو العلايل ::: ويردو الفرح للقلب الحزين ************************************************** ******* لاباس كنك ماسمعنا رنك زعم غيبتك مشغول و الا ناسي. {كنك=لماذا} *-*-*-* سلامي على سمح للباس بو خدود كيف الوقايا فنارات فيدين حراس عقاب ليل دارن ضوايا. {الوقايا=دينار الفضه} *-*-*-* لا ثيرني بعيونك وترميني شظايا نجم خارج كونك ونبقى انعاني نرتجي في عونك وانت عليا بجفا متجني. *-*-*-* صابني تصدع في صف اظلعي الايسر و السبب خفقان قلبي اتجاهك. *-*-*-* دزيتلك مرسول وانتي دزي هاتي الدواء و الا تعالي عزي.
يا عزيز خذيته, دليل خاطري شورك وما رديته,الله ايسامحك
مانك رخيص علينا أمغير الظروف امعاندة ولهينا
ايسلم عليك العقل والسلام أمانة يقولك غلاك زاد ما نقص ميزانه
يا مشكاهن الانظار ما غلا غيرك جديد ملاهن انت عزيز العين
مجبور ديمة رنتك نسمعها خلك علي حنون ما تمنعها
أمسي علي من قلبي حبهم أمسي علي من ترتاح روحي لوصلهم مساك حلو يا أغلاهم كلهم
كل البشر حلوين بس أنت لك ميزة واللي مثلك يدخل القلب وما يحتاج فيزة
فقدناكم ولو نقدر بوسط الحلم جيناكم وحشتونا وما ندري لو كنا وحشناكم....
وراكم هابل..كيف من قطف وردة من حدائق بابل ..العقل دوم ينشد..
الخاطر وين أنقول يروق ..ايظل قلوق..علي اللي ما كيفا مخلوق | |
|
| |
ام صهيب
مساهماتك : 1483 وصلت إلى نقطة : 12939 تاريخ التسجيل : 13/05/2009 العمل/الترفيه : sms : قيل للحسن البصري .. ما سر زهدك في الدنيا
قال علمت رزقي لن ياخذه غيري فاطمأن قلبي له
وعلمت بأن عملي لا يقوم به غيري فأشتغلت به
وعلمت ان الموت ينتظرني فأعددت الزاد للقاء الله
| موضوع: رد: اجمل مسجات ليبية من الاخير الاتبيه موجود 2010-01-14, 01:22 | |
| v سلام ياهل الجود والطيب والعز يللي لكم في الصدر قدر وعزة .. القلب من فرقا الاجاويد يهتز .ز مثل الشجر يوم العواصف اتهزه .. في قربكم كل المخاليق تعتز .. وعيني لكم تشتاق في كل حزة تسلمي رررررررررررررررروعة . | |
|
| |
*أم الشيماء*
مساهماتك : 10632 وصلت إلى نقطة : 23622 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: رد: اجمل مسجات ليبية من الاخير الاتبيه موجود 2010-01-14, 01:28 | |
| روووووووووووووووووووووووووووووووووووووووووووووووعة مش عادية تهبل زيى منهم رووووووووووووووووووووووووعة | |
|
| |
مرام البيان
مساهماتك : 4476 وصلت إلى نقطة : 15976 تاريخ التسجيل : 17/12/2009 العمل/الترفيه : خريجة علم نفس سيكولوجي-تحليلي وقاعدة امبوجة في الحوش sms : اذا كبرت فتذكر ان الله عز وجل اكبر
| |
| |
ساهرة للخير
مساهماتك : 630 وصلت إلى نقطة : 11181 تاريخ التسجيل : 11/01/2010
| موضوع: رد: اجمل مسجات ليبية من الاخير الاتبيه موجود 2010-01-21, 12:51 | |
| سلامى على اللى يعرفوا مقدارنا علينا اعزاز كيف انظارنا تسلمى حلوااات | |
|
| |
sana
مساهماتك : 9949 وصلت إلى نقطة : 22217 تاريخ التسجيل : 27/03/2009 العمل/الترفيه : كمبيوتر / كمبيوتر المزاج : الحمد لله
| موضوع: رد: اجمل مسجات ليبية من الاخير الاتبيه موجود 2010-01-22, 08:47 | |
| يسلموووووووووووو اكتر من رائع | |
|
| |
آمــان
مساهماتك : 9351 وصلت إلى نقطة : 22274 تاريخ التسجيل : 11/02/2010
| موضوع: رد: اجمل مسجات ليبية من الاخير الاتبيه موجود 2010-08-18, 02:22 | |
| سلامى على اللى يعرفوا مقدارنا علينا اعزاز كيف انظارنا | |
|
| |
حبوبه
مساهماتك : 4714 وصلت إلى نقطة : 15157 تاريخ التسجيل : 06/03/2010
| موضوع: رد: اجمل مسجات ليبية من الاخير الاتبيه موجود 2010-08-18, 15:30 | |
| | |
|
| |
آمــان
مساهماتك : 9351 وصلت إلى نقطة : 22274 تاريخ التسجيل : 11/02/2010
| موضوع: رد: اجمل مسجات ليبية من الاخير الاتبيه موجود 2010-09-01, 01:02 | |
| فقدناكم ولو نقدر بوسط الحلم جيناكم وحشتونا وما ندري لو كنا وحشناكم.... | |
|
| |
رواسي
مساهماتك : 576 وصلت إلى نقطة : 10764 تاريخ التسجيل : 07/08/2010 العمل/الترفيه : مخرومة نت و كومبيوتر
| موضوع: رد: اجمل مسجات ليبية من الاخير الاتبيه موجود 2010-09-02, 11:13 | |
| رسالتك وصلتني هزت عروق القلب مارحمتني من شوقها زادت أشواق عمتني ########################## ايجف اترابه...لي قلب ماينسي اعز اصحابه.كان البحر ينشف ايجف اترابه ************************** عندك.ميزة.روحك.علي.روحي.الحق.عزيزة.مانك.متيل.الناس.عندك.ميزة. ***************************** طال غيابك تقدر بلاي إتعيش مانحسابك واجد علي قسيت طال غيابك ########################## هم يجرحوا وانا نقول غوالي مهما جري منهم انوسع بالي
<<<<<<ولو كان تبوا انزيدكم ادللو >>>>>> | |
|
| |
راجية العفو
مساهماتك : 2327 وصلت إلى نقطة : 12714 تاريخ التسجيل : 28/09/2010
| |
| |
أم محمد
مساهماتك : 2078 وصلت إلى نقطة : 12943 تاريخ التسجيل : 23/10/2009 العمل/الترفيه : مهندسة قاعدة فى الحوش نربى فى صغارى ونحب المطالعة sms : اللهم صل وسلم وبارك على سيدنا محمد صلى الله عليه وسلم المزاج : عادى والحمد لله على كل حال
| |
| |
زينة
مساهماتك : 385 وصلت إلى نقطة : 11009 تاريخ التسجيل : 19/12/2009
| موضوع: رد: اجمل مسجات ليبية من الاخير الاتبيه موجود 2010-10-12, 21:03 | |
| مع اني بعيدة عن جو الموبايل من مدة لكن بنشاركم وان شا الله تكون المسجات حلوة واعذروني كان هي قديمة شوي. *فيه مضرة تجيبه الجزيرة وليبيا والحرة غيابك خبر عاجل وفيه مضرة* *ماسة ماسة اللي تكوني نصيبه فوق يرفع راسه اصيلة وبنت اجواد ماسة ماسة* *كيف الصيني عيوني بلاك صغار يا ناسيني لو ريت منظري تميت كيف الصيني!*
| |
|
| |
عظمت الصمت
مساهماتك : 334 وصلت إلى نقطة : 10662 تاريخ التسجيل : 30/05/2010
| موضوع: رد: اجمل مسجات ليبية من الاخير الاتبيه موجود 2010-10-12, 21:42 | |
| | |
|
| |
المهندسة
مساهماتك : 1294 وصلت إلى نقطة : 11820 تاريخ التسجيل : 27/05/2010 العمل/الترفيه : جهاز الاسكان والمرافق
| موضوع: رد: اجمل مسجات ليبية من الاخير الاتبيه موجود 2010-10-13, 00:02 | |
| صدام جيشا خانه... ونا خاني ريدي عليك عفانه ! لصدام صارت بيعه... ونا باعني ريدي وكنت ربيعه يحلف بعمرى وهو سبب
تضيعه.... دفني وجاء يبكي مع الدفانه
منورة علي المسجات الحلوة
| |
|
| |
zozo3
مساهماتك : 2423 وصلت إلى نقطة : 12990 تاريخ التسجيل : 09/05/2010 العمل/الترفيه : القراءة
| موضوع: رد: اجمل مسجات ليبية من الاخير الاتبيه موجود 2010-10-13, 07:58 | |
| مجبور ديمة رنتك نسمعها خلك علي حنون ما تمنعها وانتي يا ستار كاباو تعالى رني وعدي على المنتدى حتى بالمتعني | |
|
| |
زينة
مساهماتك : 385 وصلت إلى نقطة : 11009 تاريخ التسجيل : 19/12/2009
| موضوع: رد: اجمل مسجات ليبية من الاخير الاتبيه موجود 2010-10-30, 22:35 | |
| حبيبتي ستار كاباو انتبهي (وانت شبيه الخمر في المفعول) التغني والتشبيه بالمحرمات حرام. | |
|
| |
| اجمل مسجات ليبية من الاخير الاتبيه موجود | |
|