| أيهما أفضل الغسالة العادية أم الأوتوماتك | |
|
+7ام مآب ام طيور الزنقة المميزة آمــان *أم الشيماء* ام ايوب أم محمود 11 مشترك |
كاتب الموضوع | رسالة |
---|
أم محمود
مساهماتك : 498 وصلت إلى نقطة : 11054 تاريخ التسجيل : 30/01/2010
| موضوع: أيهما أفضل الغسالة العادية أم الأوتوماتك 2011-02-06, 11:27 | |
| ياوخياتي نبيكم منكم تساعدوني عندي غسالة عادية خلاص عمرها انتهى بنشري اوتوماتك لكن واحد يشكر وواحد يذم ممكن تقولولي اللي فيكم مجربة الاثنين آما أحسن العدية وإلا الأوتوماتك باش تنصحوني واللي مجربة الاوتوماتك تقول شن رايها فيها وشكرا لتعاونكم
| |
|
| |
ام ايوب
مساهماتك : 4041 وصلت إلى نقطة : 14755 تاريخ التسجيل : 04/05/2010
| موضوع: رد: أيهما أفضل الغسالة العادية أم الأوتوماتك 2011-02-06, 12:35 | |
| ام توتى انى مجربة الاتنين لكن اكيد الاوتوماتك اريح بهلبة
وفيه اللى يدمو فيها يقولو متنظفش كويس بالنسبة الى رقبة السورية والكمام والغيارات انى هادم حتى لما كانت غسالتى عادية لازم انديرهم بيديا قبل
صراحة انى حتى الاوتوماتك عندى تنظف ما شاء الله عليها ننصحك بيها
عدل سابقا من قبل ام ايوب في 2011-02-06, 20:36 عدل 1 مرات | |
|
| |
*أم الشيماء*
مساهماتك : 10632 وصلت إلى نقطة : 23620 تاريخ التسجيل : 12/03/2009 العمل/الترفيه : مدرسة احياء وكيمياء, ومن هواياتى التصميم والفوتوشوب sms : لا اله الا الله محمد رسول الله
المزاج : حسب سرعة الانترنت
| موضوع: رد: أيهما أفضل الغسالة العادية أم الأوتوماتك 2011-02-06, 20:28 | |
| صباح الخير انا ننصحك بالاوتوماتك وعلى نوعية كل متكون نوعية كويسة طلعلك الاحلى فى حاجة منعرفش انتم شنو عندكم هنا 1400لفة معناها مية فى المية انا عندى 1400 لفة تغسل وتعصر مية فى المية وتنظف وشوفى درجة الحرارة انا عنىد 90 درجة الحرارة وانت تتحكمى فيها وماتنسيش الكيلو كم كيلو تسد انا شوفت غسالة حوش امى مشكلتها انها متحطش فيها هلبا حوايج لو عبتها متغسلش كويس هذه المواصفات كلها لازم تركوى عليها الوزن ودرجة الحرارة والسرعة فى الدقيقة معناها تعصر كويس وربى يوفقك | |
|
| |
آمــان
مساهماتك : 9351 وصلت إلى نقطة : 22272 تاريخ التسجيل : 11/02/2010
| موضوع: رد: أيهما أفضل الغسالة العادية أم الأوتوماتك 2011-02-06, 22:03 | |
| أني مجربتش الاتوماتيك لكن أختي عندها وتشكر فيها هلبه | |
|
| |
المميزة
مساهماتك : 271 وصلت إلى نقطة : 10543 تاريخ التسجيل : 15/05/2010
| موضوع: رد: أيهما أفضل الغسالة العادية أم الأوتوماتك 2011-02-06, 23:36 | |
| السلام عليكم بالنسبة ليا حبيت ندخل للموضوع وننصحك بالأتوماك لانها بصراحة كلها مميزات وفوق كل شى انها اتريحك من التعب وزى ماقالتلك ام ايوب فى ملابس لازم اتمرى عليهم بيدك قبل (حتى تضمنى نظافة افضل) وطبعا اللى تنفتح من فوق احسن وهدا من وجهة نظرى | |
|
| |
ام طيور الزنقة
مساهماتك : 659 وصلت إلى نقطة : 10443 تاريخ التسجيل : 02/02/2011 العمل/الترفيه : مقعمزة مع صغارى
| موضوع: رد: أيهما أفضل الغسالة العادية أم الأوتوماتك 2011-02-07, 05:51 | |
| والله يا ام توتي الغسالة توماتيك رحمة اني مجربة عيلة او مش عيلة اني مجربة خودي توماتيك نصيحة | |
|
| |
ام مآب
مساهماتك : 6181 وصلت إلى نقطة : 18427 تاريخ التسجيل : 30/12/2009 العمل/الترفيه : مدرسة رياضيات
| موضوع: رد: أيهما أفضل الغسالة العادية أم الأوتوماتك 2011-02-07, 09:04 | |
| أم توتى من غير تفكير خودى أتوماتيك والله جنة وفيها الكعك مريحة جدا وتفتكى من تشلبيط المية أنى عندى من سنوات بصراحة كويسة أنى ننصحك ب ال جى وتنفتح من فوق أحسن مرات بتظيفى حاجة بعد التشغيل أم توتى ماتفكريش بكل بسرعة أجرى على السوق وعلى الاتوماتك | |
|
| |
حبوبه
مساهماتك : 4714 وصلت إلى نقطة : 15155 تاريخ التسجيل : 06/03/2010
| موضوع: رد: أيهما أفضل الغسالة العادية أم الأوتوماتك 2011-02-07, 14:05 | |
| اني اكيد ننصحك بالاوتوماتك وبدون تفكير اكيد احسن بهلبه اني غسالتي ال جي 8 كيلو نغسل فيها حتى البطاطين الخفاف واليرغانات والله رحمه الحمد لله | |
|
| |
أم غفران
مساهماتك : 461 وصلت إلى نقطة : 10848 تاريخ التسجيل : 11/05/2010
| |
| |
أم خالد
مساهماتك : 3745 وصلت إلى نقطة : 14599 تاريخ التسجيل : 06/12/2009 sms : سبحان الله وبحمده سبحان الله العظيم المزاج : متفائلة دوما
| موضوع: رد: أيهما أفضل الغسالة العادية أم الأوتوماتك 2011-02-09, 11:52 | |
| مرحبا أختي أم توتي
أكيد زي ما قالوا لك الأخوات
الأوتوماتيك أريح وأسهل كثير والله وعموما تقدري تتحكمي فيها زي ما انتي حابة يعني ممكن تخليها تغسل حتى زي العادية باختيار دورات الغسيل ووقت الغسيل وكله زي ما تحبي, يعني أول ما تتعلمي عليها خلاص أمورك تمام, لكن عندي ملاحظة لو مية البيت مالحة ماتوخدي اللي تسخن المية بنفسها لأنه حتتجمع عندك الاملاح وتخرب الغسالة وكمان لو الكهربا عندك مش ثابته بلاش من الغسالة اللي تفتح من تحت, خليكي على اللي تفتح من فوق أحسن وأضمن, وممكن تتحكمي فيها أكثر, وحاجة تانية انصحك بعد تجربة ما توخدي غسالة أقل من 8 كيلو هذا حجم مناسب ججدا عشان تقدري تغسلي فيها البطاطين الوسط واللحافات......
أنا عندي سامسونج ممتازة وحسيتها أسهل في التعامل من إل جي
| |
|
| |
مرام البيان
مساهماتك : 4476 وصلت إلى نقطة : 15974 تاريخ التسجيل : 17/12/2009 العمل/الترفيه : خريجة علم نفس سيكولوجي-تحليلي وقاعدة امبوجة في الحوش sms : اذا كبرت فتذكر ان الله عز وجل اكبر
| موضوع: رد: أيهما أفضل الغسالة العادية أم الأوتوماتك 2011-02-09, 22:26 | |
| ماشاءالله علي الموضوع ياريت ديمة تطرحوا حاجة زي هكي الواحد يفهم منها حاجات وااااجد بالنسبة ليا نحب الاتوماتيك بصراحه انضف واريح واحسن وزي ماقالولك الاخوات المميزة وام ماب قالولك اللي تنفتح من فوق لانك تقدري اتضيفي زي ماتبي وهي تشتغل وصحيتي ياام الشيماء راهو الاوتوماتيك لازم من تعرفي درجة الحرارة واللفات كم لفه علي اساسها ترتاحي حتي من الغسل علي يدك قبل الغساله زي المناشف والملابس الداخليه اللي زي الرجالي قماش الغليظ هذوم ديمة درجة 60 وانت مغمضه عيونك وعندك في كيس يبيعوا فيه تقدري اتحطي فيه الملابس الصغيرة واللي تخافي عليهن يتنسلن وتقدري تحطي فيها حتي الايشاربات وكلام مها ماشاءالله كله ميه الميه مانزيد عليه واجد التركيز علي الملوحه والضي راهو مهمات يفسدن الغساله | |
|
| |
أم خالد
مساهماتك : 3745 وصلت إلى نقطة : 14599 تاريخ التسجيل : 06/12/2009 sms : سبحان الله وبحمده سبحان الله العظيم المزاج : متفائلة دوما
| موضوع: رد: أيهما أفضل الغسالة العادية أم الأوتوماتك 2011-02-10, 04:43 | |
| بصراحة الموضوع ممتاز بالرغم أنه بدأ بسؤال ولكن مثل هذه المواضيع تكون فيها فائدة عملية جدا لكل العضوات
وياريت نفتح أكثر من موضوع تخص ادوات المطبخ وأجهزته
| |
|
| |
| أيهما أفضل الغسالة العادية أم الأوتوماتك | |
|