الرجاء تنبيه الناس على جميع صفحات الفيس بوك

انتشر على صفحات الفيس بوك يوم امس اعلان ...بأن هناك مظاهرة الجمعة 16_3_2012 ضد المركزية وضد توزيع مقاعد المؤتمر الوطني بهذه الطريقة ... في حقيقة الامر فأن المظاهرة المعلن عنها ليست ضد المركزية وضد توزيع مقاعد المؤتمر الوطني ولكن هي مظاهرة داعمه للفيدرالية ... في محاوله منهم لتجميع اكبر عدد من الناس ونقله على شاشات القنوات المناصره للفيدرالية ولتقسيم ليبيا ايضا في محاولة منهم لأقناع الرأي العام المحلي والعالمي بأن الليبيين مع فكرة الفيدرالية

عليه فأن ادراة صفحة " تـجـمـع شـبـاب آلـشـرق آللـيـبـي آلـرآفـض لـلـفيـدرالـيـة " تنبه جميع الليبيين الاحرار الرافضين للفيدرالية والرافضين لتقسيم ليبيا عدم الخروج يوم الجمعه 16_3_2012 ... واذا كان هناك موعد للخروج في مظاهرة ضد المركزية وتوزيع مقاعد المؤتمر الوطني سوف نعلن عنها لاحقا .... عاشت ليبيا واحده موحده

تـجـمـع شـبـاب آلـشـرق آللـيـبـي آلـرآفـض لـلـفيـدرالـيـة "

اخواتي لازم نساهموا حتى احنا في الحفاظ على وحدة بلادنا والله اتباع بوشفشوفة مش حايستريحوا لين ايحققوا ماقاله المقبور وابنه وصدقوني الحيوان الزبير السنوسي متعامل مع اليهود لضمان السيطرة على النفط بالمنطقة الشرقية وحرمان كل الليبيين منه بما فيهم اهلنا بالشرق وحسبنا الله ونعم الوكيل والله اكبر ولله الحمد

بارك الله فيك ام ليـــــــــن
ومهما يديرو مستحيــــــل يفدرلو ينااااااااااري عليهم يحلموووو
حسبيا الله ونعم الوكيل في كل من يبي الشر لليبيا ويبي تقسيمها

والله يحلمو ويخرفو انا الموضوع هذا محولته من دماغى وننفخش راسى بيه لانه من سابع المستحيلات تصير على ارض ليبيا

ليبيا وحدة لاتقبل التقسيم

والله العظيم هالزبير هذا ايطبقلي في خلوقي وانحس فيه عادي يبيع وطنه علي خاطر بطنه هالمجنون

الله أكبر ما يقدروش يفرقو الليبين بعد ماجمعهم ربي على كلمة التوحيد من تجمع على كلمة التوحيد ماتفرقهمش كلمات غربية .
الحمد لله على نعمة الامان والامن يارب العالمين ليبيا كل يوم خير من اليوم اللي قبله والله روحت من تونس الامور ماشاء الله هانية والبوابات اقسم بالله تفتح النفس حتى وجوههم بشوشة مش زي زمان تقول عافس على قلبهم لما تخطم من البوابة .
مشكورة ام لين على التنبيه

بارك الله فيك على التنبيه

الحمد لله انا والله مانخافش منهم الكلاب لان في الشرق في ناس شريفة والحمد اكثر من هالاوغاد ربي يحفظهم وايقويهم علي الخونة بياعين الوطن على خاطر البطن والله اكبر ولله الحمد وربي يحفظ ليبيا وناسها الشرفاء امييييييييييييييين يارب

المفروض كلهم يديرو لافتات يكتبو عليها نحن ضد الفيدرالية وخليهم ينقلو المظاهرة كيف مايحبو