ما هي أهم عاداتك اليومية؟

السام عليكم
والله موضوع حلو وعجبني وخلي نبدء باول عاده سيئه وهي الاستيقاض متاخره يعني ما نوضش بكري الصبح ديمه نوض حوالي الساعه 12 ولو بكري 11 والمشكله الاكبر اني عودت صغاري زيي مع ان عمرهم 8 شهور لكن عودتهم على النوم ومشكلتي اني نعشق نوم الصبح من يوم يومي مع اني الحمد لله نصلي في الفجر حاضر لكن نولي نرقد بعد ما نسبح شويه وكل ما واحد من صغاري ينوض يعيط نديرله لي يبيه سواء يبي يرضع والا تغيير شماله (اكرمكم والله )...الخ ونولي تاني لي النوم يعني يكون متقطع لكن ما نايسش
ومن عاداتي الباهيه هي اني طبخي ديمه متنوع وما نحبش نكرر الماكله في ايام قريبه...........ونحب نهتم بزوجي واهم شئ في ملابسه سواء في غسلها وفي كويها وفي ترتيبها في الدولاب.....وايضا نحب نهتم بالصغاري في كل شئ يعني من ينوضوا لين يرقدو واني عيني عليهم ما نحبش نغفل عليهم حتى تانيه .
اه نسيت من عاداتي السيئه ايضا ما نحبش نطلع بره من الحوش وهذه مش عارفه كيف نحلها يعني حتى نطلع نبدء نراجي امته نروح .
ويامه مزال عندي عادات تانيه لكن ياسركم من تصديع الراس اليوم .