الله لا تربحه إللي كان السبب !!

ان شاء الله معاد نشوفهم هدوك الايامات ولاعاد يتعاود وهديك النفسيلت التاعبة

بالنسبة للطوابير احنى الخبزة نسيناها بكل نخبز في الحوش وخلاص وحتى توة منشروش فيها ديمة لانها قاعدة زحمة

وبالنسبة للبنزينة تشحور عليها راجلى لكن ديمة نقوله انت محظوظ فيها اكتر من غيرك واغلب الايامات قعد يشرى فيها شرى وخلاص

والناس كلها تعبت من هلبة حاجات مش غير البنزينة والمصارف والخبزة بس حتى الغاز الناس عانت منه هلبة وبالاخص احنى النساوين وله على راسنا نقص الخبزة والغاز

يعطيك العافية امان

فعلا الله لا تعاود هدوكه الايام والاهم من هذا كله النفسيه لي زي الزفت واني راجلي كان مطلوب وفي المنطقه لي ساكنه فيها كلهم يعرفوه معارض نهائي على نظام القدافي الحمد لله ربي استر حصل رعشه لكن جاته خفيفه حبست ليله بس ههههههههههه

وخوتي سلامتهم الثلاثه ما يهنوش في روحهم يديروا في لي يقدروا عليه وكنت خايفه هلبه يعتقلوهم واساميهم كانت في القوائم غير ربي رحم من عنده واستجاب لدعائي الحمد لله اللهما لك الحمد والشكر

هذا كله كان عندي اهم من اني نفكر في الخبزه والبنزينه والغاز وانسيتوا هروب الضئ شن دار فينا اه

الله لا تعاود هدوكه الايام يااارب ويااارب تكون الايام الجايه فيها راحه واطمئنان لان الشعب كله توا مسلح لي يعرف قيمته ولي لا وفيه مفرخ صغيرين يدهوروا بالسلاح ربي يسلم وخلاص

اول امس واحني مروحين من حوش حماتي في الليل حصلناها رعشه باهيه سكران مسلح هارب على رجليه ويجروا وراه شباب البوابه وطبعا كلهم مسلحين لو شفتوا المنظر شئ يخوف شن هذا

يا امونه الموضوع هذا يبي هدرزه طويله

احنا والله في زاوية اوقفنا مع بعضنا الحق تلقينا 5عيلات في حوش واحد واي يسكن قريب من ميدان يمشي الي ناس اكتر امان الحق اوقفنا الزاويين مع بعضنا هلباااااااا

حتا الخبزة بدت بدون فلوس والعيلة الي الي رجالهم كلهم في جبهة توصلنا للحوش الحق والله كانت ايام صعبة لكن المهم نرتاحو منه هو ومشاكله واخواننا يرجعو منتصرين انشاء الله ياااااااااارب

لكن طبعا بعد ماطاحت الزاوية والله غالب البنزينة الحق ماتشحورناش عليها لان ماما ماتسوقش قاعدين مع بعض مع عمي عمي ياناري قعد قريب اسبوع وكنا احني اوينا مدارس الحق صارت فينا حالة شبه مانمشيش بكل

وكنا غير امتا تتحرك الزاوية شوية تزغريط وهبال لكن الحق عرب الزاوية هبلنا الكتايب

تعرفو مرة شباب الجيهة شادو دجاجة لونوها بعلم الاستقلال تي حي ع جو حي يجرو وراها زي المهابيل عشان دجاجة تعرفو ولد هذاكا اليوم شادو والله يقراء تانية اعدادي قاعد لما اطلع اسالته شند ارو فيك قالي العبي بعيد ماقدرش يقولي تمنيت نعرف والله يعني صغير ماطلعوشي لين حرروه الثوار

واحنا طبعا من ضيقة الخاطر وهروب ضي يوم سبعة رمضان مشينا لتونس وبعدها لحقونا خوتي وروحو تاني وتوا الامور ان شاء الله في تحسن

والله الحمد لله ع كل وحال وربي يفرج ع سرت وبني وليد ويتحررو عاجل غير اجل ياااااارب ونرتاحو من بو شفسوفة وترجع الاوضاع زي قبل ويرجعو كل شباب لعياللهم يااااااارب سالمين غانمين

على قولتكم بس حتى توا قاعدة فيه شوية مشاكل وخاصة قصة ضرب الرصاص في الهواء والاضرار اللي خلفتها وراها سمعت قصة واحد من الثوار كان جارهم مروح وكان لاجئ من الفرحة يضربوا في الرصاص وجت رصاصة في جنانهم في راس خوه الصغير مات في حضن امه وبوه والثائر قال معرفتش مني اللي دارها عشرات اللي ضربوا والاهم انهم كانوا معاي في الجبهة حموا ظهري وحميتهم وعشنا مع بعض ايام وليالي والله سخفني

واليوم كلمت امي لقيتها في المستشفى لان بنت خالتي من يومين مشت تعاين في عيادة المختار طلعت هي وراجلها وهو مشئ يجيب في السيارة وهي بتخش الصيدلية وتجيها في راسها طاحت وقعدت تاشر على راجلها الشباب طول رفعوها للعيادة ونادوا راجلها قالوله متخافش رشادة طاحت عليها لين وصل مسكين والحمدلله جتها في العطمة الفوقية لو كانت اطول شوي راهو فجرتلها راسه وتوا راسها من فوق كله مخيط مسكينة

وكذلك ولد عمتي مقعمز نزلتله على فخدته والله وجعني قاعد ميقدرش يمشي بيها وربي يهديهم ومعاش يضربوا الرصاص في الهواء

لا حول ولا قوة الا بالله ان شاء الله ماتتعاود بااااااااااااااريب ونتفكو من هالسلاح انا نسمع هذه القصص ومخلوعة ناسيين فى ربى فوقهم\

ام الحلوين الحمد الله على سلامتهم

والله رعشتها ساده