من بعض نستفيد

مليح بكل شوشو برنامجك ممتاز بس بالنسبه ليك لأن صغار قاعدين صغيرين بس بالنسبه لوحده عندها خوت زي خوتي تضمي ولا تقعمزي مايفلق فيهم حتى انا كنت نضم ف الليل لكن لما نوض الصبح حشاكم تقول متفجره فيه قنبله هذاك الحوش حالته حليله خوتي ميعرفوش حاجه اسمها نضام بكل

تعرفي عجبتني امك عرفت كيف تربي مش زي البنات الثانيات البايرات الام اطيب وضم في الحوش والبنت البايرة تتفرج على التلفزيون ولا تنسرف من سوق لسوق ولا عند صاحبتها ولا شادة التلفون وتهقهق
اما أمك عرفت كيف تربي ماشاء الله عليها
خليها تتفرج على التلفزيون امالا علاش جابتك للدنيا

ألمي وحزني كبيران انقذني يا أوباما امان تبي طريحه باهيه والله تعب توا المفروض نرتاح نقعمز ع التلفزيون وندهور في الاسواق زي ماقلتي لأن علي وجه زواج بعدين ناخد حصتي

والله انت تهبلى مش عادية بجديات نقراء فى قصتك وميتة ضحك هو فى نوع من الشماته لكن ويييييييييييين تلقيه بنات توا سكرات على روحه ديار ون مسلسل لمسلسل وتلقى تحتها 4 او 5 تلفونات ههههههههههههههه

ويجيبه ربى الضمان

لكن صدقت امان عرفت امك تربى

خطرتى عليا امى حتى انا امى من طباخ لطباخ فى التفزيون او عالم الحيونات هههههههههههه حشيشتها

واختى هى اللى تحوس

لكن بحكم خواتى فى حياشهم مرة فى الاسبوع يجو حوش امى ميتخلبطش يادوب دار التقعميز او دار امى

وانا اختى تخدم يعنى امى هى اللى حاصة فى ضمان مسكينة

ربى يحفضلك اميمتك والجنة تحت اقدام الامهات دعوة منها ان شاء الله تدخلك الجنة

وخوتك احدفى عليهم الشبشب هههههههههههههههههههههه

كل واحد قوليله يلم شلاتيتكك قبل مايطلعو

هههههههههههههههه روتيني نفس ام الشيماء ضمان في الليل لو زوجي مسافر ولو قلعد قبل مايجئ بنص ساعة مع حبس الصغار يادوب يخش وتنفجرالحكاية من اول وجديد مش من الصغار بس حتى راجلي عجزت معاه كان خش المطبخ مستحيل تلقي فردة دولاب مسكرة والا الثلاجة وكذلك في الدار وانت يا فراشة ليبيا والله ضحكتيني ووجعتيني وخاصة في شبحتك للست الهانم والا مع خوتك ربي يعطيك صحتك وماتلقي الا روحك بعدين وامك تبك فالحة ماشاء الله عليها وخوتك حمري عينك معاهم ههههههههههههههههههههه

نقوللكم عليا نا انا اصغر وحده وعندي خمس أربع خوات متواجدات معايا فالحوةش طبعا الاكبر دكتورة ومانطمعش فيها اتدير حاجه الاصغر منها احسن شايله الحوش كله علي راسها والاصغر منها تخدم بس بسرعه والاخري تضم لكن معطيه وقتها لقرايتها انا ننوض نولع عالشاي ونغسل وجهي ونبدا اللي نلقاها انديرها عادة اندير الحمامات والدروج وبعدها نقعمز نتفرج عالتلفزيون ونوتو الغدا لباتي طبعا امي اتطيب بس مرات وبعدها نغسل مواعين الغدا وندير رياضة وبعدها نمدو وجوهنا عالتلفزيون وبعدها العشاء وهكذا طبعا انحب اندير ماسكات لما اننضف وفاليل انقعمز عالنت ههههههه صرععتكم هذا نظامي

بارك الله فيكم اخياتي رفعتو معنوياتي وطبعا كلمت ماما يديك بترفعيهم معاك مش مخليتهملي لكن ياست الحبايب بالراحه عليا راه بنتزوج وبنشيل مسؤوليه اكبر من هكي خلي نرتاح شويه يارب يامديرتنا وام الحلوين يكبرو بنياتكم ويطلعو لخالتهم فراشة ليبيا ويريحوكم زي أمي تقعمزو تتفرجو ع الطباخين ربي يعطيكم صحيحتكم الكل

ماهو اك تتعلم توا فى الطبخ لانه لما تتزوجى منو بيطيب

هههههههههههههههههههههههههههههه



والله تحكيلى على امى سبحان الله امى مذكرات من الاكلات تكتب فيهم من التلفزيون وديما تشوف الاكلة وتخش اطيب حاجة ثانية

حى لو جى عالم الحيوانات شنو ادير لو فجرو قنبلة متنوض من مكانها

تعلوا نحكيلكم على قصتي كنت انضم في الحوش كله بنفسى ونطبخ بنفسى لان رجلي لايأكل الامن اكلى فقط ونغسل فى الملابس بروحى وعندى ستة أطفال أكبر بنت عمرها 17 السنة وأصغر بنت عمرها سنتين

ومع هذا كله نمشى الى أمى عجوز كبيرة وحيده لايوجد عندها أولاد بكل لا أنا يعنى بليبي رأس بنت وجبتنى بعد عشرين سنة بعد ما أن كمل من حوشى بسرعة أذهب اليه واقوم بواجبى اتجه اطبخ ونضم كل شى نديرهوله ونحممه ونخليه على أخر قراط روح ألى البيت الساعة :45 12ادهب الى المدرسة لكن لعلم انى عمرى ماوضعت طنجرة على النار فى وقت الغداء فى حوشى الا عند أمى فقط لى أن ادهب الى المدرسة فى الفترة المسائية 16 السنة الا فى وقت العطلة وطبعا يو الجمعة فى حوش امى تو ا كبرة بنتى هبه هى التى تقوم بماهم البيت وهديل المطبخ وانا أرتحت النوم حتى العشرة صباحا تم ادهب الى أمى ولكن أمى كل شى أنديره برغم عنده بنتى الاخره وبعد مروح من المدرسة راجلى يقولى هى نمشو ا لمطعم او الفرسيه ندير في رياضة حتى بعد المغرب وانا طالعة من المدرسة اتصل بى هبه نقوله طيبي روح نلق العشاء واتى نصلى المغرب ونتعشاء تم أنام حتى السعاعة 10 وبعدها نقعمز على النت حتى أنام لكن توه جأت المدرسة روح طول الى البيت ونقرى فى الصغار كل واحد بروحه حتى السعاعة واحد وبعدها نقعمز على النت وهذه قصتى كله بى صراحه مديرتنا شنو ا هذى الصوره أنا اكرام القصة وما فيه أنا عندم دخلت على المنتدى نسيت كلمة السر فدخلت بأسم الداحس والغبره هذا كل مافى الامر أرجوك تصلحى الموضوع

صار انتي اكرام ياالداحس والغبراء .. وينك ياام الشيماء شوفي اختنا اكرام معاش قدرت تخش باسمها لول
وبعدين المنتدى حتى أني اشبح خيره معاش نقدر نحط صور فيه بالنسبة للكمبيوتر متع الحوش والعمل عادي بالك فيه خلل في المنتدى ياام الشيماء ديرله شغله بالك ضاربه فايروس مرة مرة ديرله تحديث راه يتسكر المنتدى بعدين نقعدو حبوبي

ربي يحفظ اميمتك ياشوشو [color=green]اكرام والله فقدتك امس خففي علي بنيتك شوي يعني اقسمي انت وياه كل شي احسن مايصرلها زي بديت نحس ف عمري 50عام وحق ربي التلفزيون مانحل فيه ف عين الا ف الليل نحضر ف بائعة الورد وباب الحاره والنت ديما مخلياته مفتوح ف تليفوني اغلب الاحيان ع المنتدى هذا علشان كل مانحصل كيف نزرق نطلعه من جيبي ونبدأ نبربش بحس في بتفكير هلبه كبير ماعشتش شبابي زي البنات اذا فتحت النت يانخش ع المنتدى او ندور ف منتديات طبخ واتيكيت او اسلامي بجديات راه نشوف ف صاحباتي يتجارو ع الاغاني والكليبات والميك اب واللبس والفيس والماسنجر ومش عارفه شن تاني نحس ف روحي كأني عزوز بحداهم صح نحب نتابع الموضه وديما نشوف ف شن جديد بس نشوف ف لبس مناسبات او طلعات عائليه لأن ف الجامعه والسوق نلبس ف جبب ولا نتابع ف جديد الديكور والحاجات الثانيه زعما هذه مش شيخوخه مبكره/color]

مسكينة فراشة والله سخفتيني لكن عادي كله بأجره وأن شاء الله لما تتزوجي تكون حياتك أفضل وأكيد زوجك بيكون طيب معاك لأنك شقيتي في حياتك مع أهلك وبالك يطلع ولد حلال ديرلك شغاله وسفريات

امونه الشغاله كان بنديرها راه درتها هنا في حوشنا اقسم بالله ديما بابا يقولي نجيبلك وحده تساعدك بس انا مانبيش انا قلبي رقيق منتحملش نشوف وحده تخدمني وانا مقعمزه والله حرام حتى هى انسانه مره مره بابا يبعتلي من الفندق شغاله وحق ربي نقعمزها نضيفها ونبدا انا وياه ايد بإيد واذا تعبت نقلها قعمزي حتى ماما زيني قلبها رقيق علاش نخسر ف فليساتي نجيب وحده تاخد الفلوس وانا نخدمها  

فراشة ربي يعطيك صحيحتك ما شاء الله عليك فالحة ومعليشى خليها اميمتك ترتاح بعدين تو تعطيك انتى واختك وتولى هيا صبية الحوش من جديد

انى لما راجلى يسافر نضم ونصوبن في الليل وكان قاعد الصبح

طبعا الصبح اول ما نوض نضم سريري وسراير الصغار وبعدين نسيق الحمام حشاكم وكان عندى صابون نحط نولع عليه وبعدها نفطر الصغار وبعدين نظم المطبخ وبعدها نكنس ونشف وكان البلكونات يبو تسيق نسيقهم ونبدا ننشر الحوايج وبعدين نمسح الغبرة وبعد ما نكمل نبدا في الغدى وطبعا عندى ولدى يقرا عشية يعنى الساعة 12 نسيب كل شى ونفضاله نوتيه ونراجعله لين نسقده وبعدين نولى للقضية هدا الروتين اليومى وكان فيه حوايج يبو تطبق اول ما نواطيهم نطبقه لانه عقدتى انه الحوايج يقعدو مكدسات

وتانى يوم بيتعاود كله

اكرام تقول عليك صينيى تكتب بالعربى يادوووووووووووب فهمت عليك هههههههههههههههههه

ومالقيتى الاداحسة الغبراء

هههههههههههههههههه

ماشاء الله ربى يحفظهم لك صغارك وميمتك ويطول فى عمرها وتفرح ببنياتك

تو نبعتلك على اميلك كلمة سر جديدة

الله على أيام العز ايام الهدرزة والمواضيع القنينة

خيرك امان خلي انهذرزو من جديد عادي تو اتولي الايام الحلوة بئذن الله لا يأس مع الحياة





اكثرو من الاستغفار يعينكم الله علي كل شغل المنزل اسئلو مجرب عن تجربة والله لكن اياكي ان تنسي عبادة الله في سبيل غسل المواعين وضمان الحوش لان العمر يكمل والضمان والغسيل لا ينتهي ولا شن رايكم حبيباتي عزيزات علي قلبي هلبة يا اسرتي الثانية احبكم في الله

ربي يحفضلك اميمتك هدا كل الي حكيتيه ومازال عندك وقت تفتحي النت ربي معاك ويعضيك علي قيس نيتك

ام طيور الزنقة احبكي في الله ضحكتيني وتفتحي حتي في النت ههههههههههههههههههههههههههههههههههههههههههههههههههه

امان الموضوع نحسابه جديد وبعدين انصدمت وقريت الردود من الاول حتى رودودى
والله استحشنا فراشة الحق كانت مدايرة جو فى المنتدى وضحك فينا مرة مرة والله ايامات حلوة
صدقتى امتى نرجعو نهدرزو زى قبل


هى خشى اااحكيلنا يااندومى على يومك وكيف اضمى فى الحوش

فيك الخير أمان تدكرت الأيام الماضية
يقول الرسول صلى الله عليه وسلم حسن العهد من الايمان
فراشة ماشاء الله عليك مجتهدة وبارة بوالديك أقول لك أن أشرف عمل في هده الدنيا
هو خدمة الوالدين طوبى لك أختي وأبشري بالخير
لكن يجب عليك الصبر والاحتساب فسيكرمك الله
تعالى بابنة بارة فالجزاء من جنس العمل .