من بعض نستفيد

اني يوميتي بالتفصيل تو نوريك يا ام الشوش (نوووووووووووض الصبح ندير براد الشاي علي النار ونخش للحمام ندير دورتي ونوض صغاري يخشو للحمام وبعدين هوا يخش للحمام نوتي الفطور ويطلع راجلي من الحمام مخليلي الحمام الله لا تروعك ركزو علي كلمة الحمام قداش مرة باهي وبعدين نفطرو ونكملو يطلع راجلي ويطلع معتصم للمدرسة ونقعد اني ومعتز ندير دورة في الحوش والحماااااام ماساة وبعدين وبعدين نحط طنجرتي علي النار علي الجو مرات نحط ومرات لا وبعدين ندير دورة علي عزوزتي تسكن تحتي من هني من هني وبعدين نركب يروح معتصم نتغدو وبعدين نقريه ونتفرج كان مسلسلات كان برامج نتفتف المهم مرات ننزل لعزوتي لانها متاع عالة وكاكاوية هاوينة انتو تعرف العالة وتهدريزها ونركب ندير عشي لراجلي حاجة اساسية ويتعشا ويتعشا ويتعشا وهادي هيا القصة عييت

عمل البيت روتين يومي ممل

اني الصراحة مدايرة السبت راحة من كل شئ لا تطييب لا ضمان لا صابون ناكلو سندوتشات

ماشاء الله الموضوع قنين اول مره انشوفه الله يذكرها بالخير فراشه المفروض اتخش تحكيلنا نظام حوشها توا كيف ولا وماشاء الله ربي يحفظها



بالنسبه ليا انوض الصبح نوتي روحي للخدمه اندير قهوتي ونطلع انروح من الخدمه نلقى امى مطيبه الغدي ومقسمه انى وأختى الضمان يوم عليا المطبخ هيا عليها الحوش واحنى حوشنا تلاته ادوار لكن الدور الثالث ساكن خوي المتزوج فا ينحسبو في الضمان دورين الاول ضيوف والتاني معيشه

روتين الضمان اليومي صابون وماعين وحمامات وتلميع وكنس التخميل يوم في الاسبوع والجنانات حتى هوا يوم في الاسبوع ننزله بعد المغرب لكن الحمد لله ماما تعاون اللى تقدر اديره اديره ماتراجيش ربي يعطيها الصحه ماتحبش تقعمز حتى الغدي مرات نلقاه مفتلكه غذي حتى صبيه ماديره والحمد لله

ماشاء الله عليك ياهدى مدايرة يوم في الاسبوع راحة أحسن شيء حتى الموت تعطي راحة عيينا ومليينا من نفس الروتين اليومي
وسناء ربي يحفظلك اميمتك ويعطيها الصحة والعافية .. توا تعرسي وتخلي أمك وأختك بروحهم

ومن ناحيتي ياريت جت غير في تنظيف الحوش وبس تي حتى العمارة واحله فيها وخاصة الدور اللي ساكنة فيه ربي يفرج علينا

سناء ربي يحفض امك ويرزقها عمرة ولا حجة





امونة معليشي اصبري بئذن الله ربي ايفرجها عليك ويرزقك وان شاء الله تشري حوش ولا تبني المهم اتحولي من العمارة

ربى يعينكم سناء متخافيش جاييينكم جايينكم غير انت حددى العرس وبس تربحى نبى نتزوج قصدى نبى عرس هههههههههههههههههههه

هههههههههههههههههه تبي عرس والا تبي تتزوجي نهارك اللى ادوري فيه هههههههههههههههههههههههههههههههههههههههههههه



بارك الله فيكم هدى وامان على دعواتك ربي يحفظكم وربي يفكك من العماره امان واديري حوش زي ماتتمني يارب وحتى انتى هدهد ادير حويش اهني وتحكيلنا على الضمان ويوم عندك عرس ويوم اسبوع ان شاء الله عاجل غير اجل

اللهم اميييييييييييييييييييييييييييين

موضوع حلو لكن شن بتحكى كل شى معاود روتين كل يوم انوض الفجر نصلى ونقر ا الادكار ونبدا انوض فى البنات واحدة فى الثانوى والتانية فى الاعدادى والاخرى فى الابتدائى الحق معلمتهم مندو الصغر كيفية النظافة ولبس حوايجهم والنظام فى لبسهم

طبعا الوقت هدا انى فى الكوجينة اللى فى الاعدادى والابتدائى لازم يبو نصف الصبح روتين يومى والتانية تفطر كاكاو بالحليب وترفع معها فلوس مريحتنى ونبدا عاد هيا هيا وقت نرفع مرة انى ومرة بوهم ونروح بسلامة الله نلقى جنونة تراجى فية باش نرفعها الروضة طبعا انى ربة بيت لكن ديمة مشغولة عندنا حناى عند امى نخطم مرة مرة نعاون امى على فكرة سنونة الله يحفظ اميمتنا ويعطيهم الصحة ويباركلهم فيها وبنتى اللى طلعت من التانوى قعدة انى ويها نتعاونو فى التنظيف اليومى من كنس وغسل وطبخ وشطف وووووالى مالانهاية ويوم الجمعة والسبت البنات يضمو انى راحة اللى من التطيب مافيش راحة منا

ربي يحفضلك بنياتك واتشوفيهم كل وحدة متخرجة وعروسة متهنية عند ولد الحلال وايفرحك وايطول في عمرك احبكي في الله

ماشاء الله ربي يحفظك جنان ويحفظ بنياتك وأميمتك والحنه يطول في عمرها ان شاء الله

تعرفوا الحياة حلوة والاحلى لما تسعدى كبار السن والله الدعاء اللى يصبو فيه وين تلقيه كان راحو

احبكى الله هدهد

الموضوع حلو صح قديم شورنى مش شايفته
وقريت أمان كاتبة حتى الموت تعطى فى راحة الله الله عليها الله يرحمها
أى تواء وقت المدرسة نوض الساعة5وربع عندى بنتى مآب يجيها الباص الساعة 6ونخش الحمام ونخش نوتى الفطور ونشرف على لبسها ونصلى الفجر ونسقدها وبعدين نتكى ونقرأ قرءن وأذكار الصباح وبعدين نوض نوتى حوايج راجلى وفطوره والساعة 6ونصف نوتى روحى وراجلى يوتيلى السيارة ونمشى للمدرسة الساعة7لان عندى الحصة الاولى ديمة وتبدا الحصة7وتلث
ونكمل قبل الساعة 9 ونمشى بعدين للجامع ونقرأ ونسمعونروح ديمة مع الساعة11وكان عندى حاجة بنشريها نخطم ومرات نتأخر حتى الساعة12أو أكثر ونلروح نجرى للغدى معاش نطلع من المطبخ لين نكمل تطيب وضمان المطبخ وونوتى الغدى نتغدوا موخر العصر ونصلى العصر وخلاص نتلوح نرقد شوية وبعدين نوض للضمان والحمامات واللصابون مرات لما نروح ومرات العشية وجرى جرى وبعدين مرات كانت كملت ندير عشى بيتسا أو شورما أو اى حاجة خفيفة
وكان تعبانة اللى يجوع يخش المطبخ الا راجلى لازم نديرله صفرة
وكان عندى طلعة برنامجى كله يتلخبط مانحبش الطلوع هلبة وقت المدرسة
وهذى يومياتى والسلام

مسكينة والله ام ماب ربى يكون فى عونك
مدرسة وصغار حوش وراجل
ربى يحفظك ويسعدك وتفرحى ببنياتك ومالك

بارك الله فيك أم الشيماء

ربي ايكون في عونك ام ماءب ويعطيك صحيحتك