صــور بتــاتـي يابنــات نبي رأيكم فيه

تذكير بمساهمة فاتح الموضوع :




كيف حالكم ياعويله نبي نحطلكم صور بتاتي واعطوني رايكم فيهم

نبدأ باسم الله



هذي البدله الصغيرة طبعا دارتهالي ماما قالي صاحب المحل هذي اجدد موديل
وتمشي مع سني قال اسمها (الدلوعه)

شن رايكم في الجوبير متعها قالي بيخدمهالي بالكرستال



وهذي هدية من بابا طاقم ذهب ومعاه حديدة وخاتم شني رأيكم فيها الهدية




وهذي صور مكياجي كامل زعمه ماناقصه شيء




وهذو صورة لوشنات شريتهم من بدي شوب شني رأيكم فيهم حتى هما




صورة بوكسات الكبير اللي ع اليسار هذاكا متع مطبخ من فوق حافظة خبز وتحتها ادراج متعات بخشات وفوط ومستلزمات والوسطيه طاولة حمام تحتها ادراج حتى هى واللي ع اليمين هذا صندوق ينحط في غرفة النوم متع مستلزمات حتى هو فيه ادراج والبوكسات الصغار هذاكا اللي ع اليسار لونه قهوي متع اكسسوارات وذهب من فوق والدرج اللي تحته متعات مكياج مثلا وهذوكا البيج المنقرشات ركبته زي السستم كامل زوز صناديق ومتع كلينكس وهذاكا الكبير اللي مفتوح زي السطل متع كناسه ع اساس بس ماينهانش ينحط فيه شئ



هيا قولولي شني رايكم فيهم

ماشاء الله تبارك الرحمن اتهبل ربي ايهنيك ويحفضك وايخليلك بوك وامك الف الف مبروك

وينها فراشة هيا تعالى جيبنا باقي بتاتك خلي نلموه مرة وحده ونرفعوه لقفتك

ماشاء الله ربي ايبارك ويحفضلك بوك ماشاء الله اتهبل

ماشاء الله ربي يهنيك اوخيتي

العقبلة ليكم يالبنتة كل خميش نزفو ستة رورورريييييييش

الف الف الف مبروك ان شاء الله ربي يهنيك وبالذرية الصالحة اوخيتي

وينها فراشة

ما شاء الله لا قوة الا بالله حلوين هلبه

ربي يحفضلك امك وبوك

اين الفراشه ؟

أمونه بنتعبك ياغاليه أهو حطيت صورة مكياجي شن رايكم فيه شوفوه ناقص ولا هذا هو

ماشاء الله روعه الحق ومانقصاته حاجة كامل مكمل
غير الصورة بعيدة شوي ياريتك قربيتها باش يبان المكياج زين
تبيديه بالهني أن شاء الله يافراشة

ماشاء الله روعه الحق ومانقصاته حاجة كامل مكمل
غير الصورة بعيدة شوي ياريتك قربيتها باش يبان المكياج زين
تبيديها بالهني أن شاء الله يافراشة

تبيديه بالهني أن شاء الله يافراشة

امونه حطيت صورة لوشنات شريتهم من بدي شوب شن رايكم فيهم

ماشاء الله حلوات هلبه

ماعرفت لوشنات نعرف بدي شوب
قصدك روائح ولا شني هما هذو فراشة

لوشنات هذو كريمات للجسم يعني كل كريمه لمكان معين وبدى شوب اسم المكان اللي شريت منه الكريمات

صار كل تركينة في الجسم ليها كريم خاص بيها ماشاء الله على هالحال راتبي نحطه في لوشنات ونقعمز
منورة فراشة لكن بنقولك صندوق القمامة اللي قلتي عليه مش طالعة صورته زين
هيا زيدي حطينا صور كان مازال عندك ماشاء الله كاملة مكملة حتى بوكسات المطبخ والحمام شاريتهم صحة ليك

ماشاء الله يافراشة كل اللى شفت نازك ومرتب

مالا شنى ياامان الجو كلة تغير لوشنات وبدى شوب



حتى الحمام بدى واخد حصة فى البتات

هدا باش راجلى يقولى خلى نخدم مدام عندى جهد اتارى عارف هو اللى يبتى بناتى

الف الف مبروك عليك الحاجات اللي خديتيهم كلهم وربي ايهنيك وتفرحي بيهم

ماشاء الله عليهم كلهم حلوات

الله حلوااات فرووووشتي

ربي يهنيك اوخيتي

كلهم حلوات تبيدي بالهنا وربي يهنيك