صــور بتــاتـي يابنــات نبي رأيكم فيه

تذكير بمساهمة فاتح الموضوع :




كيف حالكم ياعويله نبي نحطلكم صور بتاتي واعطوني رايكم فيهم

نبدأ باسم الله



هذي البدله الصغيرة طبعا دارتهالي ماما قالي صاحب المحل هذي اجدد موديل
وتمشي مع سني قال اسمها (الدلوعه)

شن رايكم في الجوبير متعها قالي بيخدمهالي بالكرستال



وهذي هدية من بابا طاقم ذهب ومعاه حديدة وخاتم شني رأيكم فيها الهدية




وهذي صور مكياجي كامل زعمه ماناقصه شيء




وهذو صورة لوشنات شريتهم من بدي شوب شني رأيكم فيهم حتى هما




صورة بوكسات الكبير اللي ع اليسار هذاكا متع مطبخ من فوق حافظة خبز وتحتها ادراج متعات بخشات وفوط ومستلزمات والوسطيه طاولة حمام تحتها ادراج حتى هى واللي ع اليمين هذا صندوق ينحط في غرفة النوم متع مستلزمات حتى هو فيه ادراج والبوكسات الصغار هذاكا اللي ع اليسار لونه قهوي متع اكسسوارات وذهب من فوق والدرج اللي تحته متعات مكياج مثلا وهذوكا البيج المنقرشات ركبته زي السستم كامل زوز صناديق ومتع كلينكس وهذاكا الكبير اللي مفتوح زي السطل متع كناسه ع اساس بس ماينهانش ينحط فيه شئ



هيا قولولي شني رايكم فيهم

قربت نهايتك يافراشة

والبدايه تكون حياة زوجيه صالحه أن شاء الله يارب

الف مبروك فراشتنا ربي يهنيك ويسعدك وبتاتك حاجة تهبل ماشاله نازك ومرتب الف مبروك

الف مبروك مرة ثانية اختى فروشة ان شاء الله بذرية الصالحة وربى يهنيك ويفرحك

بخصوص الامتحان الموعدين مشكلة قبل العرس اكيد لا لانك مش راح تكونى مركزة وانت بعقلك او من غير عقل اديرى امتحان يوم الخميس يوم عرسك

واجليها لبعد العرس لو تكلمى الاستاد متاعك اكيد يقدر الظرف الى انت فيه

والاختيار ليك

انا مع ام الشيماء انحس امتا بتفضي يوم العرس بيش اديري امتحان وانتي مشنووقة تبدي في المزين

فخليها علي ربي

وشوفي زي ماقتلك ام الشوشو الاستاذ متعك

بصراحة يافراشتنا حتي اني هكي ..مع اني مهتمة بقرايتي لكن لو كنت مكانك نخش عالمية ونلهي باعرس....وشوفي روحك موفقة

على قولت الاخوات خليه الامتحان بعد ماتروحي من السفر
على الاقل تمتحني وانتي رايقه وماتخممي في شيء
هذا امتحان مش حاجة ساهله
وانتي وتفكيرك وشطارتك

وربي يهنيك ويسعدك يافراشة
خلاص النهاية قربت

وداعا

فيلم هندي

هههههههههههههههه الف مبروك فراشة فعلا نهايتك قربت ...بالسعادة انشاله

شكلي بنفوته وخلاص الامتحان قررررررربت علي قولت ابو محمود ياجماعه شن رايكم نلبس ذهب اصفر ع الفيلو ولا ابيض

الفيلو معاه اكسسورات فراشة يعني اكيد لما حجزتي الفيلو اكيد معاه اكسسوارات طاقم مع التاج
ولا ناوية تروحي لحوشك بالعربي

بصراحة توا طالعين اكسسوارات موديل حلو تلقيه متلا بسيط اصفر في الابيض ويبدا نازك وانتي ودوقك وشطارتك يافراشة....

الف مبروك يا عسوله ان شاء الله ربي يهنيك

مما شاء الله الله ايبارك ويهنيك ويكتبلك السعادة يا رب وان شاء بالهنا والسعد