الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ

تذكير بمساهمة فاتح الموضوع :

حبوبة ولا مانسيتها لحظة لكن ربى ناهينى على الحزن والحياة مستمرة

واحنى اخوتك محتاجين من يكون معنا ويرشدنا بالموضيع الراقية والكلمة الطيبة حبوبة لاتبخلى علينا وشوف امان كيف كسبت اخوة فى الله لقتهم فى حياتها وبعد موتها يدعولها ومانسينها بكل كيف تبى تبعدى على اخوات فى الله احبك فى الله ومن غير اى معرفة او تلاقى تعودى من الشيطان يبى يحرمك من الاجر امان انقطع عملها فى الدنيا وقامت قيامتها وانتى لا تسكرى باب الاجر لانكى محتاجة كل دقبقة فى حياتك واحنى احياء محتاجين وجودك فى المنتدى وامان لاتحتاج الا الصدقة والدعاء والله يصبر الجميع

السلام عليكم اخواتى ربى يتقبل منا ومنكم اجمعين وربى يرجع الغائبات 
ام جنان ربى يشفى الجدة ياااارب 
سامحونى ساااااااااامحونى سااااااااااااااااامحونى 
مقصرة معاكم 
زعلانة جدا جدا جدا على ليبيا 
والله ضئ نرفزنى وركبلى ضغط الحق حسبي الله ونعم الوكيل والله مرضنى ضئ 
كل مانحصل وقت ونقول توا بعد الفطور نرتاح شويا ونقعمز على النت يهرب ضئ 
كنت عند امى فى صلاح دين اكيد صارت حتى لاام ماب لانها تسكن جنب امى يومبن يهرب ضئ فى الليل بشكل مش طبيعى من بعد الفطور لعند الامساك ضئ هارب 
واليوم عند عزوزتى فى جنزور هرب نهاااااااااااار كامل من ظهر حتى ساعة 8 
والله شئ يمرض حق
امى مريضة فى حالة كانت فى تونس تعاين لخاطر عندها حساسية مش طبيعيى فى رجليها ويديها وماتتحملش نو زادت عليها والله يهرب ضئ تقعمز فى سيارة وتفتح المكيف 
حالتى نفسية صفر من من ضئ 
فضفضت لييييييييييييييين شبعت ربى يكون فى عوننا 
الحمد الله على كل حال 
وتوا نقوللكم احبكم فى الله

عزيزتي ام الشيماء أسأل الله العظيم رب العرش الكريم ان يمن على والدتك بالشفاء العاجل

الحمد لله على سلامتك وباذن الله تعالى ترتاحي وسط الاهل والاحباب

كيف حالكن يا شيموات ان شاء الله بخير قلبي معاكم ولكن ضروف الضي ومانحصلش في وقت الله يحفظكم استاحشتكم

السلام عليكم

ليكم وحشة وان شاء الله تكونو بخير

ام الشيماء لاباس على امك ربي يشفيها ان شاء الله

طبعا في رمضان مفيش فضوة وزايدها الضي مفيش وقت نفتح

الله ايكون في عون الجميع وربي يسمعنا على بعض الاخبار الطيبه يارب

اللهم امين  سناء وام ايوب حفظكما الله وأسعدكما    

اسال الله العظيم ان يمن الله علية وعليكم فى العشر الاواخر باعتاق من النار واللهم انك عفوا كريم تحب العفو فاعفو عنا 


فارسة كيف حالك وسر الله لك الخير اين ماكنت وام الشيماء الله يشفى اميمتك 


اشتحشتكم كلكم والله يوفقكم وحناى الله يرحمها برحمته طلعوها عند امى غيبوبة قالو معاد عندنا ماندرولها والله حالتها تقطع القلب وامى حتى هى تقطع القلب وكل شى باجره نمشى لامى كل صبح باش نسعدوهم نقلبو فيها ونبدلو زى الممرضات اهاليل واختى التانية فى الحوش الحق الله يعينهم وان شاء الله الاجر من الله والله شكلها حناى زى الميتة غير النفيسة تطلع وتحش والاعمار بيد الله ادعو معنا الله يفرج الحال

الحمد لله على عودتك جنان
اسأل العلي القدير ان يلطف بجدتك ويلبسها ثوب الصحة والعافية

شفا الله حناك يا جنان
وينكم يا أخوات خيركم معاش تخشوا وين رحتوا ليكم وحشة كلكم

السلام عليكم والله ليكم وحشة كلكم 

الضروف حكمت والحمد لله حناى وانتقلت لربها من ااخر رمضان وبعتللى المنتدى ماباش يفتح وتوة مدايرة عملية على كيس ف ايدى والحمد لله 

المهم وفى الاخير ان شاء الله اموركم طيبة وربى يوفق الجميع

أنا لله وأنا اليه راجعون رحمه الله جدتك جنان وأسكنها فسيح جناته وعظم الله أجركم
وألف لابأس على أيديتك والحمد لله على سلامتك وأن شاء الله ربى يزيدك من الشفاء
ولك أجمل تحياتى

السلام عليكم اخواتى ليكم وحشة كبييييييييرة
ان لله وان اليه راجعون رحمت الله على جدتك ام جنان رب يصبر اهلك
والحمد الله على سلامتك وطهورة ان شاء الله
سامحونى اخواتى على الغياب بسبب ومن غير سبب نفسيتى تعبانة
فى ليبيا ضئ يهرب والله يكسرلى فى راسى حتى فى مولد لكن مافيش وقت سامحونى على تقصير
واكيد بتسامحونى بعد ماتسمعو الخبر الكويس
بصراحة انا نتوحم عل المنتدى هههههههههههههههههههههههههههه ماعنديش نية نفتح الكمبيوتر  الحمل جاينى عليه  
لكن توا روحت لهولندا ورتحت شويا وصغار مشو للمدرسة وعندى وقت ان شاء الله ربى مايغيبنى عليكم

خبر مفرح ام الشيماء مبروك وربى يوفق

ان لله وان اليه راجعون الله يرحم جدتك يا جنان الله ايصبركم ويسكنهاالجنة بالله عليكم كلكم سامحوني والله ظروف منعتني ان انخش للمنتذي الغالي علي قلبي المهم كيف حالكم كلكم استحشتكم واللي عنده حد مريض ان شاء الله ربي يشفيه واللي عنده حد متوفي اسأل الله ربي العرش العظيم ان يرحمه ومبروك لكل حد عنده مناسبة وان شاء الله بالنجاح لكل أخت تدرس الف الف الف مبروك ام الشوش ان شاء الله ربي ايثبتلك حملك وتفرحي بالبيبي

الله يبارك فيكم
 

        
ألف مبروك أم الشيماء والحمد لله على سلامتك من السفر

السلام عليكم ورحمة الله وبركاته كيف حالكم يا شيموات استاااااااااااااااااااااحشتكم هلبا وربي العالم ان شاء الله ربي يرحم حناك ويغفرلها جنان وكهور ان شاء الله على ايدك

وشن اخباركم واموركم انى الحمد لله بخير وسامحوني مقصره معاكم هلبا

وعليكم السلام ورحمة الله وبركاته سناء اشتقنالك الحمد لله على سلامتك

اختي جنان أسأل العلي القديران يرحم جدتك ويغفرلها ويرزقها الجنة لابأس طهور ان شاء الله ربي يشفيك

ام الشيماء الحمد لله على سلامتك أرجو من الله جل شأنه ان يثبت حملك ويهب لك ولداصالحا وبارا بك وبابيه

اخواتي الشيماوات دون استثناء أهديكن سلامي وأشواقي وأدعو الله عزوجل كما جمعنا في هذا المنتدى ان يجمعنا

في الفردوس الاعلى بمنه وكرمه .

اللهم امين اختى الغالية فارسة وكل الشيموات

صباحكم معطر بذكر الرحمن ان شاء الله

امين
ليك وحشة فارسة
ربى يجمعنا تحت ظله ورحمته
ان شاء الله يرجعو الاعضاء
ربى مايغيب حبيب
انا مشغولة هلبا على حبوبة حتى هولندا مارجعتش وماعندبش رقمها فى ليبيا
غريبة الحق لان ولدها لازم يداوم وانا نتصل بيها فى الحوش والموبايل مايردش ينادي وبس 
انشغلت عليها

ههههههههههههههههههههههه ا الحلوين مش حبوبه ام الشوش الحمل ماثر فيك من توا هههههههههههه والا استاحشت حبوبه

ربي يسمعنا عليهم الاخبار الطيبة ان شاء الله

من كثرت النوم معادش نركز ههههههههههههههه
ام الحلوين اتصلت بيا والحمد الله حالها كويس كان عندها سلفلها ماحصلتش وقت تقولى كيف حالك هههههههههههههههههه
معلشى قولى باهى يجيك الشاهى صح
خخخخخخخخخخخخخخخخخخخخخخخخخ

ههههههههههههههههههههههههههههههه ماعليش الحوامل نعذروهم عقولهم مش فيهم هههههههههههههههههههه

أحسن الله اليك ام الشيماء الحمد لله ان المنتدى رجعت فيه الروح سابقا أصول وأجول لوحدي في المنتدى ليلا ونهارا ولاواحدة تخش

الا ام ماب وام محمد وام ايوب جزاهما الله خيرا وفرحت عندما وجدت اسم راجية العفو مرة اومرتين  اسال الله ان يعينها ويثبت حملها ويرزقها

الذرية الصالحة وكذلك ام خالد لم تدخل منذ زمن ربي ايسمعنا عنها الاخبار السارة واتمنى لكل الشيماوات السعادة وطول العمر