الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ

تذكير بمساهمة فاتح الموضوع :

حبوبة ولا مانسيتها لحظة لكن ربى ناهينى على الحزن والحياة مستمرة

واحنى اخوتك محتاجين من يكون معنا ويرشدنا بالموضيع الراقية والكلمة الطيبة حبوبة لاتبخلى علينا وشوف امان كيف كسبت اخوة فى الله لقتهم فى حياتها وبعد موتها يدعولها ومانسينها بكل كيف تبى تبعدى على اخوات فى الله احبك فى الله ومن غير اى معرفة او تلاقى تعودى من الشيطان يبى يحرمك من الاجر امان انقطع عملها فى الدنيا وقامت قيامتها وانتى لا تسكرى باب الاجر لانكى محتاجة كل دقبقة فى حياتك واحنى احياء محتاجين وجودك فى المنتدى وامان لاتحتاج الا الصدقة والدعاء والله يصبر الجميع

الله يبارك فيك ويحفظك وربى يطمنا على الباقى

اللهم اااااااامين

كيف حالكن كلكن يا شيماوات استاحشتكم لاكن الظروف الله غالب وحاولت خشيت مرتين نكتب وبعد ما نرسل ما يمشيش الكلام والبال طبعا ما نحكيلكمش ما عنديش بال انعاود نكتب نطلع وخلاص المهم ربى ما يحرمنى منكم ومن سؤالكم ودعائكم لى وربى ان شاء الله يقدرنى ونرجع نتواصل معاكم 


احبكم كلكم فى الله

 

الله يبارك فيك الحمد الله توا 3 شهور
وان شاء الله ربى يكملى على خير
وانت شنو ثار فيك واما شهور توا وشن اخبارك  واخبار الحمل  طمنينا

ربي ينوضكم بالسلامه ان شاء الله كيف حالك راجية استاحشناك ونطمن على باقي الاخوات

كيف حالكم كلكم استحشتكم هلبببببببة سامحوني كانت عندي ضروف وزوجي كان في ليبيا واني كنت لاهية في الصغار واني مرضت ايديا اللي جاني جاني انتفخو ونملو علي غفلة قريت عليهم قران ودعيت الله توة احسن من قبل الحمد لله المهم ديمة انخمم فيكم وانحبكم استحششششششتكم كلكم كلكم هلبببببببببة

الف لا بأس عليك هدهد ربي يشفيك ويساعدك ويرد راجلك ليك بخير وسلامه ويحفظلك صغويرتك حتى احنى استاحشناك مره مره اتخش واحده مكسد المنتدى هلبااااااااااااااااااااااااااا

ربي يطمنا على الاخوات كلهم مخليين مكانهم بسلامتهم

كيف حالكم يا شيموات

ام الشوش تعبانه هلبا رفعوها امس بالاسعاف ادعولها بالشفاء رجليها معاشتقدر تحركهم اليوم دارولها الرنين وانراجو في نتيجته

ماتنسوهاش من دعائكم ربي يشفيها ويسلمها

كيف حالكم كلكم ان شاء الله بخير بعيد السوء عليك يا ام الشيماء والله قريت الخبر بكيت ربي يشفيك يا وخيتي وايرجعك لصغارك بكامل صحتك يارب أشفي ام الشوش  شفاء لا يغادر سقما

الف لا باس عليها ام الشوش ان شاء الله خير يا رب ربى يشفيها ويردها لصغارها وراجلها سالمة معافية يا الله يا كريم 

اللهم رب الناس اذهب الباس واشفى انت الشافى لا شفاء الا شفائك شفاءا لا يغادر سقما

ان شاء الله ربى يطمنا عليها ويشفيها ويعافيها

الله يبارك فيكم الحمد لله اليوم طلعت من المستشفى والرنين طلعت نتيجة انه مافيش غضروف الحمد لله مازال العمود الفقري نتيجته ان شاء الله وقالو احتمال انه يكون عصب

وربي يشفي كل مريض

ألف لابأس عليها أم الشيماء والله أنشغلت عليها علبة شفاها الله والله حتى أنى مريضة ومعاش نخش هلبة
اليوم درت منظار والحمد لله شفا الله الجميع
راجية العفو أن شاء الله تقومى بالسلامة

السلام عليكم اخواتى
ان شاء الله تكونو بخير وربى يدوم علينا صحة ياااااارب
والله طلعت منها الحق قريب متت من اللم جانى الم شدددددددددددديد ماتتصوروش قداش تعبت منها رجلى لدرجة انى مانقدرش نوقف
تعبت تعبت الحمد الله قعدت فى المستشفى 3 ايام طلع عندى انزلاق وشد عصب فى رجلى الحمد الله ياااارب
مرات نقعمز فى بالى انى معادش نقدر نوقف ننسى من كثرت اللم اللى كان عندى
نحمد ربى ونشكره على النعمة اللى حنى فيها

ربي يشفيكم ان شاء الله ام ماءب وام الشيماء وينوض راجية العفو بخير وسلامه هيا والبيبي
طهور ان شاء الله
فاقده فارسه ليها هلبا معاش بانت ان شاء الله خير وكل الاخوات معاش دخلو المنتدى استاحشتهم ربي يطمنا عليهم

الف سلامة عليكم والله تكدرت لمرضكم هدى وام الشوش وام ماب خيركم عين وطارت طهور ان شاء الله والله لايوريكم السؤ والمؤمن مبتلى والحمد لله 

والله يحفظ اخواتنا فى المنتدى بدون استناء وسلامى ليكم جميعا واللى غايب الله يجيبة سالم 

وفارسة ليك وحشة وينك

اشتقت اليكن اخواتي الحبيبات غبت لظروف طارئة جاءنا زوار من بعيد وبعد ذلك مرضت حيث اني أحسست بحمى وأعراض حساسية  شديدةوضيق تنفس والحمد لله

على كل حال لازلت أحس بضعف لكن ليس كالاول أحمد الله واثني عليه

       الحمد لله على سلامتك ام الشيماء من الوعكة الصحية التي تعرضت لها أثر في ماجرى لك حالتك تشبه حالة ابنة عمي في حملها الخامس أصيبت بمرض

  في رجلها لم تستطع ان تمشي على قدميها وانتفخت رجلها ومكثت أسابيع في المستشفى لكن شفيت بعد انجابها لولدها الحمد لله لاتقلقي عزيزتي ستشفين باذن الله

  وتفرحي بالمولود الجديد أسأل العلي القدير ان يسعدك بطلته ويكون كامل الخلقة ويتربى في عز والديه
 
  ام جنان حتى انت لك وحشة جزاك الله خيرا على السؤال عني كيف حال البنات ربي يوفقهن ويسعدهن

  ام ماب ارجو من الباري جل في علاه ان يمن عليك بالشفاء العاجل ويبسط عليك نعمه

  سناء مبروك عليك أسأل الله تعالى ان يثبت حملك ويرزقك الذرية الصالحة واساله ان يحفظك ويوفقك

 راجية العفو مرحبا بطلتك الغالية ادعو لك الله تعالى ان يعينك ويتمم حملك بخير ويرزقك ماتتمنين

سلامي الى كل اخواتي الحبيبات دون استثناء الحاضرات والغائبات ارجو من الله اان يمتعكن بالصحة والسعادة وطول العمر

أختي فارسة السنة شفاك الله وعافاك وكل اخواتي أريد أن أقول لكن انا غبت عنكن بقلمي صحيح ولكن والله لكن في القلب مكان لا ينسى والله على ما أقول شهيد مبروك لك أم الشيماء الحمل توة بس عرفت وربنا يتمم عليكي بالخير والسلامة وسلامتك ام ماب وراجية العقو ربنا يفومك بالسلامة وسناء أيضا حبيبتي

جزاك الله خيرا ام خالد ربي يتمم لك على خير ويرزقك بمولود سوي الخلقة وصالح باذن الله تعالى حفظك الباري عز وجل

هدى اسال الله العظيم رب العرش الكريم ان يشفيك لم اكن اعلم بما جرى لك ربي يشفيك ويلطف بك اختي الحبيبة

مرحبا بك أختي فارسة السنة وهدى ألف سلامة عليها طمنينا عليكي هدى أول ما تدخلي المنتدى

الحمد لله على سلامتكم اخواتي جنان وام خالد وفارسة ربي مايغيبكم ان شاء الله ويرجعو كل الاخوات بالف خير وسلامه

الله يبارك فيكم اخواتى وربى يرجع الغايبات على خير ونطمنو عليهم
فارسة السنة والله بخصوص رجلى متعبتنى وجع  مش عادى رهيييييب
 ركبت سرير طبى الحمد الله نرتاح عليه لكن الجلوس يتعبنى ال
حمد الله على كل حال

أسأل الله العظيم رب العرش الكريم ان يمن عليك بالشفاء العاجل ويجعل كل ما عانيته في ميزان حسناتك يارب العالمين

اللهم احفظكن من كل سؤ وربى يرجعكن بخير وتقر اعيتتا بكن 

ولاباس عليك فارسو ماتشوفى شر والله حتى انى الحرارة متعبتنى وخصوصا فى الراس