الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ

تذكير بمساهمة فاتح الموضوع :

حبوبة ولا مانسيتها لحظة لكن ربى ناهينى على الحزن والحياة مستمرة

واحنى اخوتك محتاجين من يكون معنا ويرشدنا بالموضيع الراقية والكلمة الطيبة حبوبة لاتبخلى علينا وشوف امان كيف كسبت اخوة فى الله لقتهم فى حياتها وبعد موتها يدعولها ومانسينها بكل كيف تبى تبعدى على اخوات فى الله احبك فى الله ومن غير اى معرفة او تلاقى تعودى من الشيطان يبى يحرمك من الاجر امان انقطع عملها فى الدنيا وقامت قيامتها وانتى لا تسكرى باب الاجر لانكى محتاجة كل دقبقة فى حياتك واحنى احياء محتاجين وجودك فى المنتدى وامان لاتحتاج الا الصدقة والدعاء والله يصبر الجميع

مشكورة حبوبة على دعائك الصادق تسلمي
سلامة حماتك ام الطيور يارب يشفيها ويحفظها ورحلة طيبة بحول الله
يارب ترجع الغايبات ويكون المانع خير

*أم الشيماء* كتب:: ام خالد حبيبتى ربى يشفيك ان شاء الله انا علاجى هو الخل مضمضى كل نس ساعة 6 مرات وان شاء الله ماتشوفى شر ربى يشفيك

حبوبة حبوبة والله فرحت برجعتك وكل يوم نبى نكلمك يكون رصيدى غير كافى واليوم كلمت ام الحلوين وقالت توا تكلمك لكن الحمد الله على رجوعك والله كلنا وجعتنا امان ويعلم ربى قداش نفكر فيها وندعيلها ربى يرحمها

ام محمود الف لاباس على راجلك وربى يشفيه ان شء الله طهورا

هدى اليوم اتصلت بيا ام الحلوين وضحكتنى والله
قالتلى حلمت حلمة بهدى حلمت انك جيتيها فى الحوش وطلعتلك اختها قلتيلها نبى ام الحوين وبعدين هى مابتش تطلعلك متحشمة ههههههههههههههههههههه (( زعميتك ام الحولين تتحشم اصلا ههههههههه))
المهم فى الاخير طلعتلك ونسيت باقى الحلمة توا تخش وتحكيلك ههههههههههههههههه
انا فسرتها ههههههههههههه قلتلاه تلوم عليك علاش ماتخشيش

ام الحلوين وينك استحشناك جيتك في الحلم ههههه سبحان الله والله اني احبكم في الله

ام الشوش ربي يحفضك

أخواتي الغاليات يامن سألتن عني أثناء مرضي بارك الله فيكين جميعا
أنا اليوم أحسن بفضل الله وبدأت لوزتي ترجع لطبيعتها وخف الالتهاب بفضل الله ومن ثم دعائكن وبالدواء والله يا أخواتي كنت أبكي من وجع أذني الذي رافق التهاب اللوز عندي والحمد لله والمشكلة مرض أطفالي معي وكانت مرضة عائلية ....
بارك الله فيكن وأسلم على كل واحدة منكن باسمها

الله يشفيك اختى ام خالد ويشفى عائلتك
وربى يشفى اختنا الغالية اريام

الله لايوريكم شر كلكم وينك ام محمد شن اخبار اريام

ربي يشفي عزوزتك يا طيور

الحمد لله علي سلامتك ام خالد

كيف حالكم كلكم

الله يرحمك يا امان استحشتتتتتتتتتتتتتك هلبة الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ - صفحة 3 398232

الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ - صفحة 3 398232

السلام عليكم كيف حالكم جميعا
انى كنت في حوشنا واليوم روحت بيش نستعد غضوة الى الرجوع للمدرسة حبوبة معندهاش من يقرأ خليتها قاعدة مبتش تروح ولكن اني ايوب اليوم جاه البو شوكة منحيلكمش كيف رايح وصايرة فيه حالة واعطاه راجل ام ماب دواء ان شاء الله يهون عليه اكيد مش حيمشي للمدرسة

راجية العفو مختفية ان شاء الله تكون بخير

ام خالد ان شاء الله طهور

تصدقى ام ايوب خطر علية ايوب قولت تو بنسال عليه مسكين نسينه اهو انتى تكلمتى عليه بعيد السؤ عليه وربى يشفيه

أسأل الله العظيم رب العرش العظيم ان يشفي ايوب ويحفظه من السوء

راجية العفو ان شاء الله غيابها خير

شكرا جنان وفارسة السنة اليوم لين نحس في روحي متضايقة على خاطره

ربي يشفي ايوب وايخفف عليه الالم

كيف حالكم

ربى يشفيه بلعكس ياام ايوب يجيه هو صغير احسن انا ديما انقول ان شاء الله يجيهم بكرى صغارى كنت كل مانلقى حد عده بوشوكة نرفع صغارى والله لكن ماجاهمش مازال ان شاء الله يجيهم هما صغار مايحسوشى انا لعند توا نتفكر البوشوكة ونمنم جانا كلنا مع بعض احلام هى الاولى وبعدين انا وخواتى مع بعض الستة هههههههههههههههههههههههه
ان شاء الله ربى يخفف عليه وتوقعى حتى صغارك الثانيين لكن بعدي عليهم احمد مازال صغير مسكين ربى يشفيهولك

كيف حالك هدهد ام لين ووام محمود وفراشة ليبيا وحلم ليبي ودكتور مودة وراجية ان شاء الله نسمعو عليكم الاخبار الكويسة

الحمد لله مديرتنا الغالية ربي يحفضك

السلام عليكم

كيف حالكم كلكم

ام ايوب ان شاء الله لاباس عليه صخفني ايوب هلبه لانه جاه قوي والله مراره لمه جي لصغاري ما ننساه

ام خالد لاباس عليك طهور ان شاء الله

لاباس على عزوزتك ام طيور الزنقه

الحمد لله على سلامتك حبوبة nmbn hh

اين راجية العفو وام ماب وحلم وسوسو وباقي الاخوات
الغائبات انشاء ان شاء الله يكون المانع خير

كيف حالك ام ايوب وشن اخبار ايوب انى قصدى بنسالك على الوليد الصغير يانارى معاش سالنا عليه اتارى ايوب حبيبى مريض خى عليه بوشكة ربى يفرج علية زمان واحدة من خواتى صغيرة تقول يشك فية قصدها بوشوكة

راجية ويناك وشن صار فى التصويت وسناء حتى انتى غطستى

ام الطيور الله يشفى عزوزتك وينك والله خليتى مكانك

خطرنا فى نقارك انتى وام الشيماء

صح فين سناء ان شاء الله تكون بخير

دموع شن صار من جديد بعد الخطوبة فرحينا

كيف حالكم

راجية العفو وسناء مختفيات ان شاء الله يكونو بخير

جنان والله ايوب صايرة فيه حالة جاه قوي وولدي الصغير أحمد امس طعمته تطعيمة الشهرين وتعب منها ارتفعتله الحرارة يعني اني امس ممرضة بينهم ربي يحفظهم

» الى أخواتى اللى حابه تسأل عن عضوه ﺍﻟﻤﻮﺿﻮﻉ ﺍﻟﺜﺎﻧﻰ
» الى أخواتى اللى حابه تسأل عن عضوه
» الي كل عضوه
» عضوه جديده هل من مرحب
» لنتواصوا بالحق أخواتى