قصيدة الشاعر اللبيب على احداث بنغازى

انا نعرفك فى الحزن ... لو واتاك ..

ماهو عزا ... لو ما يطول عزاك

أنا نعرفك فى الحزن ... لو واتاك !!

أنا نعرفك موجوعة

و من كل فرحة تحضرك ممنوعة ..

وبين قنبلة فى اكبادنا مسموعة

وبين غافلين اليوم ع اللى جاك !!

وبين من يريدك خاضعة لى طوعه

و فتان ماشى فى الجنازة معاك !



سياسة رخيصة بدمنا مصنوعة

و ياما قبل ,, ما سيّسُو بضناك !

عزانا وطن ,, نفس العزى و دموعه

عزانا عزى واحد عزانا عزاك ..



اليوم ليبيا بيك كلها مفجوعة

على عيون بنغازى تموت فداك

و تبكى عليك طرابلس موجوعة

و ما فى قلب إلا خفق يا لاك ....



أنا نعرفك يا نايضة مفزوعة

ع الظلم .. ليش الظلم ما يخطاك

ليش المكايد نارها مولوعة

و خنجر غدر مسموم ديمة وراك

و ليش النفوس التافهة المخدوعة

باعووك فيهم من يقول معاك !!

و امتى الضماير فى بلادى توعا ؟

وامتى الفرح يشعل شمع سلواك ؟



اليوم فى المواجع خاشة موسوعة

مش عارفين الستر كيف معاك !!

مات القلب ما يندروش ضلوعه

وآخر نبض ضلعه بكاك بكاك !!

انا نعرفك فى الحزن نعرف نوعه

أنا نعرفك فى الحزن ...... لو واتاك

..

الشاعر زكرياء اللبيب

الله يكون في عونهم وعونا وربي يرد كيد الاعداء في نحورهم
اللهم انى استودعتك وطني واهل بلادي فاحفظهم واحفظ جميع المسلمين
اللهم اجعل هذا البلد ءامنا مطمئنا وسائر بلاد المسلمين

ﺳﻴﻮﺭﻫﺎ ﺗﺼﻔﺎ ﺑﻌﺪ ﺗﻌﻜﻴﺮﻫـــﺎ .... ) ﺍﻟﻴﻮﻡ ( ﻟﻴﺒﻴﺎ ﺗﺒﻲ ﺻﺤﻴﺢ
ﺃﺭﺟــــﺎﻝ
ﺃﻭﺳﻴﻮﺭﻫﺎ ﺗﻌﻤﺮ ﺑﻌﺪ ﺗﺪﻣﻴﺮﻫــــﺎ .... ) ﻏﻴﺮ ( ﺃﻳﺨﻄﻮﻫﺎ ﻟﻴﺒﻴﺎ
ﻟﻨــــﺬﺍﻝ
ﺃﻭﺳﻴﻮﺭﻫﺎ ﺗﺰﻫﺮ ﺃﻳﻔﻮﺡ ﻋﺒﻴﺮﻫـــﺎ .... ) ﺗﺼﻔﺎ ( ﺃﻣﻐﻴﺮ ﺃﻳﻘﻮﺩﻫﺎ
ﻋﻘـــﺎﻝ
ﻟﺒﻼﺩ ﻣﺎ ﻟﻘﻴﺖ ﺣﻜﻴﻢ ﺃﻳﺪﻳﺮﻫــــﺎ .... ﻭ ) ﺃﻗﻠﻮﺑﻨﺎ ( ﻣﺶ ﺻﺎﻓﻴﺔ
ﻣـــﺎﺯﺍﻝ
ﻟﺒﻼﺩ ﺭﺍﻫﻲ ﺑﻴﺪﻧﺎ ﺗﻐﻴﻴﺮﻫـــﺎ ).... ﻛﻞ ( ﺣﺪ ﻳﺒﺪﺍ ﻣﺎ ﺃﻳﺪﻭﻡ
ﺍﻟﺤــــﺎﻝ
ﻟﺠﺮﻭﺡ ﻣﺎﺯﺍﻟﺖ ﻗﻮﻱ ﺗﺴﻄﻴﺮﻫــــﺎ ).... ﺃﻫﻤﻮﻡ ( ﺃﻭﺷﻘﺎ ﻭﺍﻟﻠﻴﻞ
ﺑﻴﻨﺎ ﻃــــﺎﻝ
ﻟﻴﺶ ﺗﺳﺮﻗﻮ ﻟﺒﻼﺩ ﻭﺍﺟﺪ ﺧﻴﺮﻫــــﺎ .... ) ﺗﻮ ( ﺗﻨﺪﻣﻮﺍ ﻣﺎ ﺃﻳﻔﻴﺪ
ﺑﻜﺮﺓ ﻣــــﺎﻝ

ربى يهدى سر البلاد