سلسله قصص واقعية

بسم الله والصلاة والسلام على خير خلق الله

لا حول ولا قوة الا بالله

اللهم اغفرلها وارحمها

ارجوك اختي الحبيبة سارة

ياريت يكون عندك حذر في طرح هذه القصص
لان طريقة طرحها ممكن تكشف بعض الاسرار
وان الله ستير حليم

ومن ستر مؤمنا ستره الله في الدنيا والاخرة
وممكن بعض القصص توضح صاحبها بالذات اذا عرف القاص

وجزاك الله خيرا

ولكن اخواتي الكريمات
الموضوع فيه اعراض ناس مش هين

ما تزعلوش مني بالله عليكم

مها كتب:

أنا بصراحة شايفةالموضوع من جانب تاني

اتحملوني بس, يعني البنت اللي ترضى تروح مع شاب وتطلع معاه وتركب إلى شقة كمان....

لوحدها معه, بالنسبة ليا أقل ضرر ممكن يحصل لها هو الضرر المادي في هذه الحالة....

وبدل ما تزعل على الفلوس تزعل على سمعتها اللي لوثتها, وتدعي لربها أن يغفر لها ما قدمت من ذنب

هذا رأيي

عندك الحق يا مها والله هذا الاستهتار اللي الواحد يسمع بيه هاليومين وهذا التساهل اصبح مرعب وكان الناس معادش تحس بالخوف من ربي
لا بنات ولا ولاد
لا البنت اللي تتساهل وتتنازل زلا الولد اللي يستغل في سذاجة بعض الفتيات
وهذا تقريبا لا يحدث الا اذا تخلت الاسرة عن دورها في التربية السليمة الصحيحة للبنت على العفة والخوف من الحرام والولد على الخوف من الله والرجولة الحقيقية وليست الذكورة فالحيوانات فيها اناث وذكور
ولكن ليس فيهن رجال

لا حول ولاقوة الا بالله

لا حول ولا قوة الا بالله العلى العظيم
صدقتى يا مها والله سبحان الله بدت تصير حاجات ما تقوليش علينا فى ليبيا حاجات غريبة فعلا وكأن الإنحلال قمة التطور والعفة والحشمة تخلف والله المستعان
انى سمعت زى هالقصة لكن هى راجل ومرته يمشو لحوش او بالأحرى لقصر ويخطبو البنية على اساس ان مرته امه وما عندهاش غيره والوالد متوفى حاشاكم ويبنى فى دبلكس وهكذا يمشو مرتين ولا 3 بسفرة الحلويات و بعدين يقولوالعرس بيتأخر لان بنى الحوش وقف لان الفلوس ما فيش وعاد الناس اللى على نياتهم وفلراحنين بالعريس اللى جى للبنية اللى كبرت و ليها قداش تخدم وما عندهمش مشكلة ابدا فى الفلوس يكونو على استعداد باش يساهمو فى سعادة بنيتهم والمشكلة سمعت حتى ان الراجل يرفع بوها ولا خوها ويوريه حوش كبير مازال مش كامل على اساس هو حوشه ولما ياخدو الفلوس ما عادش يلقوهم ويمشو لمنطقة اخرى انى سمعت هالقصة والله أعلم اللى يعيش ياما يسمع ربى يباعد علينا شر كل ذى شر اللهم آمين

انا مع مها في رايها تمشي معاه لشقته بروحهم والشيطان ثالثهم لا حول ولا قوة الا بالله. كل يوم بدعة جديدة اللهم عافينا يستاهلن جابنه لروحهن امال هناك عاقلة تدير هالشي صح الفطرة انه الوحدة تبي تتزوج بس مش بها الطريقة السخيفة الغبية.

انا اقترح عليكن تحكن قصص من واقعكن انتن وتختارن القصة اللي فيها عبرة والله حليم ستار .

أم الشيماء وسناء وسارهمو بارك الله فيكم على ردكم وربي يستر على بناتنا وسارهمو والله ماعرفت وين نحطه الموضوع قلت حتى مكان في مواضيع النقاشات الجادة كويس
ومها بدو الشباب يستغلو في البنات من الناحية المادية دون أي يمسه بضررو بعدين مش راح تصدق نيته

زوزو وزينة بارك الله فيكم
وام محمد والله صدقتي الانسان ياما يسمع من قصص خيالية وقصتك هذي فضيعه ناس معاش تتحشم
ياريت نعرف منين يجيبو في القصص ويطبقو فيها
اصلا مايطبقها الا قليل الاصل الا مايخاف ربي
ولاحول ولاقوة الا بالله العليالعظيم

عسوله مشكورة على المشاركة
وربي يستر علينا وخلاص الدنيا جابت ماعندها مدام قصة ام محمد صح ربي يسترنا
والقصة الا حطيتها حتى هيا صح سمعتها بوذني في التلفزيون من شيخ في برنامج (مشاغل الناس) يجي يوم الثلاثاء في الليل ويعاودو فيه السبت الساعة 4 العشية

لاحول ولاقوة الابالله العلي العظيم اشياء قعدت تمر علينا ماعمرنا لاريناها لا سمعناها والله اغلب قصص النصب والاحتيال دخلت

بدخول الافارقة والله المستعان

ونبي نعلق ع كلام الاخوات كلامكم كلكم فيه جوانب من الصحة وزي ماقلتي يامها جتها في الريش جت في الفلوس ان شاءالله مش حاجة

اخري

انا لما كنت مخطوبة كان لازم نمشي للشقة عشان انشوفها مع امي وخويا وخطيبي اللي هوا زوجي قلتلهم لا خلاص انشوفها بالمرة

وندمت اني ماعديتش لان انكان فتحت راسي ومشيت راهو مانيش قاعدة توا في السويد

ورغم اني كنت نعرفه خطيبي قبل مانتزوجوا بس هاض مايمنع اني نعرف الخطا والصح والعيب والحشم والحمدلله

وكلام ام محمد ذكرني بقصة صارت هنا في واحد صديق زوجي لبناني قاله انا سمعت انه في ليبيا مافيش كوافير يكون فيه رجاله

صح الكلام هضا بصراحة راجلي قاله كيف نحنا مجتمع مسلم بالكامل وحجبات بناتنا ونخلوا راجل يقعد كوافير من قلة الصبايا

وللاسف في مجتمعات تنظرلنا نظرة تخلف ولكن انا انقول ياريت ليبيا تقعد متخلفة ديمة في هذا الجانب

وللاسف كله يعود للتربيه والقدوة الحسنة ومش بس هضا لا بالعكس حتي صراحة الام مع بنتها ومصادقتها لها النقطة هذي ترتكز عليها

نقاط كثيرة والام مدرسة اذا اعددتها اعددت شعبا

مشكورة ياامان وانا من رايي تنقليه لموضوع سارهمو

مرام مش الافارقة بس حتى المصريين والنت الاحرف الا خش علينا
شبابنا يستعملو فيه استعمال خاطيء الانترنت
وخليك من المسلسلات التلفزيونية الهابطة إلا تعلم في بناتنا وشبابنا الانحراف
وربي يهدي من خلق
وموضوعي لو تتكرم أم الشيماء وتنقله لقسم الخاص به

لا حول ولا قوة إلا بالله

لاحول ولاقوة الا بالله بيني بينكم كل واحد راح ياخذ جزاه البنت والولد البنت سمعتها ووالد بادي حياته بفلوس حرام

البنات ولة سلعة وطريق بيش الشباب يبنوا مستقبلهم وتوا في وقتنا الحاضر الاغلب منين ايجوا يخطبوا يبوها تخدم وفوقها يسألوا قداش معاشها ههه

لا حول ولا قوة الا بالله

[quote="مها"]كلامك صحيح يا مرام البنات هم الضحية الأكيدة في كل علاقة مع شاب خارج نطاق الأسرة, حتى لو تم الزواج ستبقى هي الفتاة السهلة التي كان يخرج معها الشاب ويذكرها بها لو حصل بينهم أي مشكله...

الكلام هذا غير صحيح بشكل مطلق واصابع اليد الوحدة مش زي بعضهن ومافيش قاعدة في هذا الموضوع

صحيح انا معاك انا لا يصح الاالصحيح وان هذا حرام وعيب موضوع العلاقات بس.............؟

احيانا الله يعطي ع قد النوايا

وانانعرف عدة علاقات كان نهايتها الزواج ومافي حد فيهم عاير الثاني لاهو ولاهي وتوا عندهم احفاد

سارهمو كتب:

السلام عليكم

انتو مش عارفه ليش فهمتوا قصدي غلط
انا مش غرضي التهك بستر الناس هي قصه وحكيتها للعبره
وحتى نوريكم ان مش اي بنت منحرفه او غلطت هي بنت سيئه في بنات
يغلطوا لكن معدنهم طيب وهذا اللي قليته
وشي ثاني
انا مدكرتش مكان العمل اللي كنت نشتغل فيه
ولا لمحت باسماء
ويا ما في عائلات ابهاتهم ميتين
وينه التوضيح اللي درته

ولا اصلا قلت في اي بلد

اصلا في بدايه الموضوع بديت بنفسي
هل معناها انعرفت ولا في حد عرفني
ولا شهرت بنفسي
يا حول الله
مش عارفه منين جبتوفكرة اني منوضح
او اني افشيت سر وكشفت الستر


عموما متاسفه جدا جدا على طرح الموضوع من اصله

ويا ريت بجد اختي الغاليه مها تمحيه من اساسه

بجد ارجوك مها احدفيه الموضوع ونكون ليك ممنونه جدا

ومشكورات كلكم

سارة اني ما قصدتش انك انتي بتهتكي سر صاحبتك
لكن صدقيني احنا شعب ما يرتاح الا لما يعرف
كل شي وانت تعرفي هذا كويس القصقصة اساسي عندنا

ما تزعليش سارة لكن
كما قال سيدنا عبدالله بن مسعود كم من مريد للخير لن يبلغه
ربما احنا اردنا الخير ان كل بنت ترد بالها من روحها وتحافظ على عفتها وما تصدقش الكلام المعسول اللي ينقاللها مهما كانت واثقة في هذا الشخص

وان ما فيش حد معصوم عن الزلل
وان الله سبحانه وتعالى حرم الاختلاط بين الجنسين لهذا السبب
ولا يخفى علينا اخواتي عظم مكانة امهات المؤمنين في قلوب المؤمنين وانهن مطهرات مبرأت عفيفات ولكن الله امر المؤمنين ان يسألونهن من وراء حجاب
(وقال سبحانه وتعالى (ذلك اطهر لقلوبكم وقلوبهن

فهل نحن اقدر على ضبط انفسنا من امهات المؤمنين ولكن حكمة الله التي جعلت البشر ضعفاء اما الفتن

المهم موضوعك قيم وممتاز ولكن نحكي القصص بحذر
المهم ان تخرج القيمة التي نريد ان نزرعها او ان ننبه عليها

وجزاك الله كل خير اختي الحبيبة واحسن الله اليك
وما تزعليش من لا اقصد ان اضايقك ولكن الحق احق ان يتبع