محاورة بين الشاعر ونقال البيلة.....

الشاعر

لــو كان ماهيش الفلوس قـليــله ... لانـــاخـــذك ولا نــقربك يا بيـــله

لــو كان مـــــوش مـــــفـــلــــــس ... والفكر خاطي والدماغ إمـــلـــس

لا نرافقك ولا معاك يوم إنــجلــس ... إنخليك زي السعي في الحبيلة

ونندم على الفلوس وقت إنخــلص ... في شركتك والسوق وني ماشيله

مـــــــاعــــاد مــــنـــك ســمــــره ... ومن هو اللي علي شانك بيفني عمره

لافيك رنــه باهــيــه لا كـــامــيــــرا ... لا صـــوت باهــي بـقـدرتـك تـسجيله

لا ألوان زرقه في شاشتك لا حمره ... أخــضـر ولا عنــدك ألــوان جميــله

رد البيلة وقال

هــــــــادي عــــقــــاب الـعــشـرة ... وقداش منك ما سمعتش بشرة

بنحكي عليك بنذكرك في نشره ... ويـــبـــدوا عــليــك يــعيبــوا العويلة

رد الشاعر وقال

مـــــــــــوديــــلك خــــــــــــــــــــلاص ..... تـم وفـــات ونــساتـــه نـــــاس

لا ميـــزات ولا عــنـــدك خـــــــــواص ... وحتى السيعه في وسطك قليلة

إن شاء الله إطيح تــتــفــتـرك أنفاص ... بــاش مــعاش في إيديا إنشيله

رد عليه البيلة

يـــــامـــــا وقـــــفـــت مــــــعــــــــاك ... وقــداش مــتـحمل علي سبــاك

وقـــداش منك طــحت فوق إستاك ... وكل شي فيا شي ما طــاريــلــه

خايف عليك إن كاني نــخــطـــاك ... تـــقــــعد بلا هــاتف إسنين طويلة

الشاعر

مــــــــا فــــيـــــكش صـــــــــــور ... لا بــلــوتوث ولا مــــنــظـــر يـــســـــر

نـــبــي إندير زي عــمي عــمـر ... هــاتــف سمح ما هناك مــثيــلــه

إندادك وينهم ؟؟جيلك اغــبــر ... نـــبــــي إنــديــر مـــطــور في جــيـله

البيلة

الـــمــهــم صــوتــي صـــــافي ... نــرســل ونــســتــقــبــل وهــذا كــافي

وقت الفلس تجري قدايا لافي ... ويــامــا فــ تــعبــاتي سهــرت في ليلة

وتوا بعد طول سنين تـــجافي ... وشــكــلي كـرهــتــه ونـــتـك تـبديله ؟؟؟

الشاعر

مـــا فـــيـــكــــش أنـــغـــــــام ... لا تـــــســجـــــيـــــل صـــــــــورة لا كــــــلام

إنت في الأصل تركانك حــرام ... راك إشــرفـــت وإنـــحـــرقـــت الــبــــيـــلـــه

إنحطك خير في وسط الاكوام ... بـــيـــعك لــيــش واسـعــارك هــزيــلــة !!!

رد البيلة

عـــــقـــــابـــهـــا تــنــســانــي ... وتــمــشــي تــغــيــرني بــواحد ثــاني ؟؟!!!

من قبل ياما كنت فيك إنعاني ... وكــل مــن نــشــدنــي مــا نـبـي نـحـكيـله

ومادام بادي في ملامك راني ... مـــــــــــــا نـــقــبـــلك لــو قــلــت بــنــولـيـله

الشاعر

فـي اللآخـر انقولك ما تزعلش هدّي ...انـــبـــصر شــي ما نــحــكي بـجـدي

لــيــك الــحــق مــا يـنـقـصش ودي ... وطــول الــعــمر مــا نـنـسى زويــلــه

إمــغـــير نــشــوف فــي ردك وردي ... ورد الــغــيـر مـن كـيـفـي إطــريــلــــه

حــــــــقـــــــك الــــيــــوم عــلـــيــا ... فــيــمــا ذكــرت وقـلـت يــــا غــــاليــا

مــازال يــا بــيــلة الــقلــوب وفـيـه ... ومــازال تــجــمــعـنا أطـبـاع أصـيــلــة

ومـــازلت راني معاك صافي النية ... وموحال إني ننساك بــأي وســيــلــة

لو كان ما هيش لفلوس قــليلة ... لا نــاخـــذك ولا نــقــربـــك يـــا بــيــلـة